تفريحي سرگرمي

بەڵام بۆ گوڵ،
بۆ پەپوولە و بۆ ئەستێره
تا بتوانم ئەچريكێنم
شەهيد گوڵە
شەهيد ئەستێرەي ئاسماني نيشتمانە
شەهيد پەپوولەي رەنگيني باڵي
باغي گەلە و ...
رۆحي هەڵۆي بەرزەفڕي...
شاخەكاني كوردستانە.
***
ئەي پەپوولەي ئەوينداري –
- شيلەي گوڵزاري سەربەستي
ئەي ئەستێرەي ئاسماني تەمتوماني وڵاتەكەم
ئەي نەو گوڵي باغي ئاوات
ناوت ئەكەم بە ملوانكە
بۆ گەردني كام شاخ بەرزە
ناوت ئەكەم بە تووي ئوميد
بۆ نێو دڵي چەوساوەكان
ئەي پەڵەنگي كۆڵنەدەري "سەقزلوو"
ئەي شەهيد سەعيد.
تۆ نەمردووي...
ها . زايەڵەي تفەنگەكەت
هەر شاخ بە شاخ دەچيت و هەر نابڕيتەوە.
وشە وشەي ناوە پيرۆزەكەت دەڵێي
كەوە مووروي ملوانكەيەكي زێڕينە و
لە گەردني چياي شاهۆ، پيرەمەگروون، قەنديل و ئاگري ئاڵاوە
خوێنت چۆمێكي بە خوڕە...
لە دەماري يەك بە يەكي پێشمەرگەكانا دەجمێت .
كوڕي ڕەشي كوردستاني گەورەو مەزن
تۆ تووي شۆڕشت بۆ گەيشتن بە ئاواتي مێژينەي كوردان چاندووە
ئەو تفەنگە بەزيوانەي
لە هەوراز بۆ نشێو دەچن
ئەو لووتكانەي
سەريان بەرەو بنارەكان شۆڕ كردووە
قەت نازانن
ئەم دايكە نەزۆك نييە
ئەم ئاسمانە بە بێ‌ هەڵۆ قەت هەڵ ناكا
بووي بە تانە و كەوتيتە سەر گلێنەي چاويان
بووي بە دڕك و رۆچويتە ناو دڵ و دەروون و هەناويان
هەموو چوون و
نيشتمانيان بە جێهێشت و
لە ژێر تيشكي چلچراي نێو مەيخانەكاني لەندەن و بۆن و پاريس و ئۆپساڵا
كوردايەتي رشايەوە
بەڵام تۆ توند باوەشت كرد بەم دايكە خەمبارەدا و ...
وەك مەولانا ئەنبەر خاتووني دڵبەرت جێنەهێشت و
وەك دێوانە
لە ناو گڕي عەشقي شەمدا توايتەوە
دارەبەنێكي عەشقێكي پاك نەبێ‌ چلۆن
سيامەندێ ئەچێ‌ بە گژ كوێستانێكا؟
ئەي خەزاڵێ‌ نەبێ‌ چلۆن كاكە لاسێ‌
بۆهێناني گوڵي مەبەست
هەڵدەزني بە هەڵاڵانێ‌ سەر كەشا
تۆ لە خاكي دڵي شەيداي ئەوينداراني كوردستان
تۆ لە تۆرمەي كەڵە پياواني ئوستورە و
تۆ لە زنجيرەي قەقنەس و
تۆ لە سرتەي باڵي پەپوولە خولقابووي.
چۆن دڵيان هات
چراي دڵي تۆ خامۆش كەن
چۆن دڵيان هات
رۆحي پەپوولە بكوژن و
خوناو لە گوڵ بسڕنەوە.
چۆن دڵيان هات
مەولانا لە عەنبەر خاتوون دوور خەنەوە.
ئەيان زاني، پەريخاني كوردستاني بە تۆ نەبێ‌
لە قەڵاچەي دێوي داگيركەري بەدخوو رزگار نابێ‌ .

مامۆستا جه‌لال مه‌له‌كشا

كچێكي ١٤ ساڵەي خەڵكي كرماشان لە رۆژهەڵاتي كوردستان پاش ئەوەي لە لايەن پۆليسي ئينترنێتي كۆماري ئيسلاميەوە دەناسرێتەوە، فايلي ئەمنيەتي بۆ دروستكراوە.

پەريا.ع.١٤ ساڵە كە لە وێبلاگەكەيدا رخنەي لە بارودۆخي ئێستاي كۆمەڵگا گرتووە چەند جارێك لە لايەن پۆليسي ئينترنێتەوە بانگ كراوە و لێپرسينەوەي لێ كراوە و لە دوايين لێپرسينەوەدا پێ راگەيانراوە كە ئەگەر درێژە بەو كارانە بدا ئەوە لە خوێندن بێبەش دەكرێ.

ئەوە يەكەمجار نييە كە كۆماري ئيسلامي بە دروستكردني فايلي ئەمنيەتي بۆ منداڵان پێش بەوە دەگرێ كە بيركردنەوەكان رابگرێ و كەس بير نەكاتەوە. 

شاياني باسە ماوەيەك لەمەوپێش كچە ١٢ ساڵەكەي نەسرين ستوودە بە حوكمي دادگا چوونە دەرەوە لە ئێراني لێ قەدەغە كرا.

لە لايەكي ديكەوە دروستكردني فايلي ئەمنيەتي بۆ منداڵان كارێكي ياسايي نييە و دژي ياساكاني خودي رێژيمي ئاخونديە.

بەپێي هەواڵي هرانا، لە درێژەي گوشارە بەردەوامەكان بۆسەر خوێندكاراني زانكۆي ورمێ، سەيد ئەحمەد حوسێني خوێندكاري كارناسي باڵاي ئەو زانكۆيە پاش تێپەڕيني ساڵێك بەسەر قسەكردني دوو خولەكيي لە باڵەخانەي چەمران زانكۆ، بە بڕياري كۆميتەي ديسيپليني ئەو زانكۆيەوە لە درێژەدان بە خوێندن بێبەش و لە زانكۆش دەركرا.

ناوبراو كە پاش قسەكردنەكەي لە ساڵي 89 لە تريبوني ئازادي ئەو زانكۆيە، رووبەرووي دوو ساڵ هەڵپەساردن بووەوە؛ لە كۆتاييدا لە 12/4/2712 لە زانكۆ كرايە دەرەوە.

بەرپرساني دەوڵەتي ئێران رايانگەياندووە كە نانوايي و تاكسي و سوپرماركێتەكان لەمە بەدواوە نابێ خزمەتگوزارييان هەبێ بۆ ئەفغانييەكان و نابێ خواردن و نانێان پێ بفرۆشرێ و هەر كەسيش لاساريي لەو بڕيارە بكا ئەوە بەپێ ياسا سزا دەدرێ.
لە بڕياري نوێ دەسەڵاتداراني ئێراندا هاتوو كە تەنانەت نابێ شوێن و جێگاي مانەوە بدرێتە ئەفغانييەكان و لەناو پارێزگا و شارەكاني ئێراندا ئەم چەند شارە بۆ ئەفغانييەكان قەدەخە كراوە: تاران، ئيسفەهان، مەشهەد، مازەندەران، كرمان، فارس، خوراسان، سمنان، قۆم، قەزوين، خووزستان، زەنجان، ئيلام، گيلان و لۆڕستان.
شاياني باسە نێزيكە ٣ مليۆن ئەفغاني بە شێوەي فەرمي و نافەرمي لەئێراندا ژيان بەسەر دەبە
ن