تفريحي سرگرمي

دوو ئەندامي سوپاي پاسداران لە لوڕستان مردن

 فەرماندەي پۆليسي رێگەي سلسلە و دولفان، رايگەياندووە كە فەرماندەي سوپاي ناوچەي سلسلە لە روداوێكي هاتووچۆدا مردووە.لە لێدوانێكدا بۆ هەواڵنێريي دەوڵەتيي فارس، گوتي: بەهۆي روداني رووداوي هاتووچۆ لە ناوچەي خورەم ئاوا و سلسلە دوو كەس مردن و پێنج كەسي ديكەش بريندار بوونە.

ناوبراو رايگەياندووە كە ئەو دوو كەسەي مردوون لەم رووداوەدا ئەندامي سوپاي پاسدارني كۆماري ئيسلامي بەناوەكاني سەرهەنگي پاسدار نەجەف عەلي خەيروڵڵايي و سەرهەنگي پاسدار نەسيرپوور فەرماندەي پاراستن و زانياري سوپاي لە ناوچەي سلسلە.

برچسب: ،
ادامه مطلب

ناوي قۆڵبەستكراوني رۆژي جيهاني كرێكار لە سنە ئاشكرا بوو
لە رۆژي جيهاني كرێكار دا لە شاري سنە خۆپيشاندانێك رێكخرا كە لە خۆپيشاندانەكەدا شەش هاووڵاتي قۆڵبەست و رەوانەي زيندان كران.
لە وتووێژێكدا لەگەڵ ئاژانسي موكريان، چالاكێكي كرێكاري شاري سنە سەرەڕاي پشتڕاست كردنەوەي هەواڵەكە، رايگەياندووە: لەكاتي بەڕێوەچووني رێورەسمي يەكي ماي رۆژي جيهاني كرێكار لە 12 گوڵاني ئەمساڵدا لەم شارە و هێرشي هێزە ئينتيزامييەكان بۆسەر رێورەسمەكەدا، چەند هاووڵاتييەكي ئامادەبوو لە شوێنەكە لە لايان هێزە ئەمنييەكانەوە قۆڵبەست و رەوانەي زيندان كران.

لە درێژەي قسەكانيدا كورش بەخشندە، گوتي: ناوي ئەو شەش هاووڵاتييە قۆڵبەستكراوە كە ئێستا لە زيندان دان، بريتيە لە: حەميد تاري مورادي، فەرهاد زەندي، زاهيد بەنەفشي، فەرزاد حوسێن پەناهي، محەمەد لوتفي و شێركۆ كوردي.

لە كۆتايي قسەكانيدا ناوبراو رايگەياندووە كە ئەو كەسانە سەر بە هيچ حيزب و لايەنێك نين و داواي ئازادكردني بێ ئەملاوئەولايان دەكه‌ن

برچسب: ،
ادامه مطلب

 ئەنجۆمەني وێژەيي "وەرز"ي خوێندكاراني كورد لە زانكۆي نازلووي شاري ورمێ‌ لەلايەن لێپرسراواني زانكۆوە داخرا.
بەپێي هەواڵي ئاژانسي هەواڵدەريي كوردپا، لێپرسراواني زانكۆي نازلووي شاري ورمێ‌ بە بەڕێوەبەراني ئەو ئەنجومەنەيان راگەياندووە، لەمەوبەدوا ناتوانن درێژە بە چالاكييەكانيان بدەن و هەرچەشنە كۆبوونەوە و سيمينارێكي وێژەيي لەگەڵ دژكردەوەي بەرپرساني زانكۆوە بەرەوڕوو دەبێتەوە.

  يەكێك لە بەڕێوەبەراني ئەنجومەني "وەرز" بە هەواڵنێري كوردپاي راگەياندووە، ئێمە چەند رۆژ لەمەوبەر كۆڕێكي تايبەتيمان بە مەبەستي رێزگرتن لە "فەقێ‌ تەيران" شاعيري نەتەوەيي كورد بەڕێوە برد و دواتر لەلايەن لێپرسراواني زانكۆوە پێمان راگەيەنرا كە ئەو ئەنجومەنە مافي چالاكيي كردني نيە.

ئەنجومەني فەرهەنگي ـ ئەدەبيي "وەرز" مانگي خەزەڵوەري ساڵي 1390 لەلايەن خوێنكاراني كوردي زانكۆي نازلووي شاري "ورمێ‌"وە دامەزراوە.  

برچسب: ،
ادامه مطلب

سوپاي پاسداران دەڵێ چەند گرووپێكي تێرۆريستييان لە تاران قۆڵبەستكردووە
 فەرماندەيەكي پايەبەرزي سوپاي پاسداراني كۆماري ئيسلامي رايگەياندووە كە چەند هێرشێكي خۆكوژي و تێرۆركردنيان لە ناوچە گرينگەكاني تاران كە بڕيار بووە لە رۆژاني نەورۆزدا جێبەجێبكرێن، لە لايان سوپاي پاسدارانەوە پووچەڵكراونەتەوە.

رۆژي دووشەممە 18 گوڵان، موحسين كازمي يەكێك لە فەرماندەكاني سوپاي پاسداران بە هەواڵنێريي فارسي راگەياندووە: منداڵە ون ناوەكاني ئيتلاعاتي سوپاي لە ماوەيەك بەر لە جەژن كاريان لەسەر گرووپە تێرۆريستييەكان كردووە و توانيان لە ماوەي گونجاودا بە باشترين شێوە بەرەنگاري ئەوانە ببنەوە. ئەم كەسانە، بەنياز بوونە عەمەلياتگەلي تەقينەوە، خۆكوژي و تێرۆر لە ناوچە گرينگەكاني تاران جێبەجێبكەن.

هەروەها لە بەشێكي ديكەي قسەكانيدا ناوبراو گوتي ئيتلاعاتي سوپا درێژە بە كاري ئەمنيي خۆي دەدا و تەنانەت لەكاتي هەڵبژاردنيشدا چالاكانە بەشدارييان لە پاراستني ئاسايشدا كرد و كێشەيەكي تايبەت لە پێوەنديي لەگەڵ تێكداني ئاسايش لە تاران، بەرچاو نەكەوت

برچسب: ،
ادامه مطلب

 

هەناسە كۆتاييەكاني گولي ورمێ

 

بە سەرنجدان بە وێنەيەكي گولي ورمێ كە لە نێوان ١٥٠ وێنە لە گرينگترين گۆڕانكارييەكاني گۆي زەويي لەلايەن ناساوە بڵاو كراوەتەوە، دەبينين كە گولي ورمێ بەرەو لە ناوچوون دەڕوا.

رێكخراوي ناسا لە وێنەكانيدا لە پەيجي ئينترنێتي خۆي بە ناوي State of Fluxدا وێنەي ئارشيوي خۆي و وێنەي نوێي گولي ورمێي بڵاو كردووەتەوە كە رووني دەكاتەوە گولي ورمێ لە دوا هەناسەكاني نێزيك بووەتەوە.
وێنەي يەكەم هي مانگي ئاگۆستي ١٩٨٥ە و وێنەي دووهەم مانگي ئاگۆستي ٢٠١٠يە كە بە ڕووني گۆڕانكارييەكان دەخاتە ڕوو.
بەپێ راپۆرتەكەي ناسا گريمانەي ئەوە دەكرێ ئەگەر بەوشێوەيە گۆڕانكاريەكان درێژەيان هەبێ ئەوا تا كۆتايي ساڵي ٢٠١٣ دوا هەناسەكاني گولي ورمێ بەچاو دەبينين.
شاياني باسە گولي ورمێ گەورەترين گولي رۆژهەڵاتي ناوەڕاستە و هاوكات سێيەمين گولي ئاوي سوێرە لەسەر گۆي زەوي.

برچسب: ،
ادامه مطلب

9كەسي ديكە لە ئيران ئيعدام كران
سەرلەبەياني رۆژي رابردوو٦/٥/٢٠١٢، دەوڵەتي ئێران ٩ كەسي ديكەي لە شاري كەرەج ئيعدام كرد.
ماڵپەڕي جەهان نيوز كە سەر بە حكومەتي ئێرانە رايگەياند كە ٩ كەس بە تاواني قاچاخي مادەهۆشبەر لە سێدارە دراون كە لە دوو كەيسي جياوازن. شاياني باسە چەند سەرچاوەيەك ئاماژە بەوەدەكەن كە بەند كراوەكان لە بەنديخانەي قەزەل حەساري كەرەج بوون و ٣ كەسيان برا بوون و تەمني ئەو نۆ كەسە لە نێوان ٢٦ تا ٣١ساڵدا بوو و تاوانەكەيان قاچاخ كردني مادە هۆشبەرە بووە.
شاياني باسە قورسايي گەمارۆكاني و گوێنەداني رێژم بە ژيان گوزەراني خەڵكي هەژار و كەم دەرامەت و گراني لە رادەبەدەري خورد و خۆراك و نەبووني كار واي كردووە كە زۆربەي گەنجان و و لاوان و پياون بۆ دەستختني بژێوي ژياني خۆيان دەس بدەنە قاچاخي پێكردني مادە هۆشبەر.  

برچسب: ،
ادامه مطلب

بە تۆمەتي سيخوڕي هەواڵنێرێكي ئێراني لە ئەفغانستان قۆڵبەست كرا
 لە وتووێژێكدا لەگەڵ بەشي ئەفغانيي راديۆ يوروپاي ئازاد، كاربەدەستێكي باڵاي ئەفغانستان رايگەياندووە كە هەواڵنێرێكي ئێراني كە بۆ هەواڵنێريي فارس كاري كردووە، بەتۆمەتي سيخوڕي قۆڵبەستكراوە.

ئەم كاربەدەستە ئەمنييەي ئەفغانستان بە مەرجي ئەوەي هيچ ناونيشانێكي بڵاونەكردێتەوە رايگەياندووە كە هەواڵنێرە ئێرانييەكە هێندێك بەڵگەنامەي نهێنيي رادەستي باڵوێزخانەي ئێران لە كابول كردووە.

لە هەمانكاتدا هەواڵنێريي فارس بڵاويكردەوە كە هەواڵنێر و سەرپەرستياري ئۆفيسەكەي لە كابول، رۆژي شەممە لە لايان ئيدارەي ئاسايشي نەتەوەيي ئەفغانستانەوە قۆڵبەستكراوە.

بەپێي ئەم هەواڵە، عەبدولواحيد حەكيمي سەر لەبەياني رۆژي شەممە بە مەبەستي سازكردني راپۆرتێك سەبارەت موزەي كابول جێي كارەكەي جێهێشتووە و نەگەڕاوەتەوە .

تاوەكوو ئێستا هيچ زانيارييەك سەبارەت بە شوێني راگرتني ئەم هەواڵنێرە لەبەردەستدا نييە.

برچسب: ،
ادامه مطلب

 سەرۆك وەزيري ئيسرائيل له‌راگەياندني كاتي بەڕێوە چووني هەڵبژاردني پاڕلەماني : پێويستە بايەخي زياتر بە دۆسييەي ئەتۆميي ئێران بدرێت.
"بنيامين نتانياهوو" وتيشي: بەرنامەي ناوكيي حكوومەتي ئيسلاميي ئێران جێگاي مەترسييە و هەتا ئەو جێگايەي پێي بكرێت زەخت و گوشاري زياتر دەخاتە سەر ئێران.

سەرۆك وەزيري ئيسرائيل ئەوەشي خستە روو، حكوومەتي ئيسلاميي تاران سەرقاڵي كوشتني كاتە.

 

هەڕەشەكان لە پێوەنديي هێرشي نيزاميي بۆ سەر ئێران رووي لە زياد بوون كردووە.

چەند رۆژ لەمەوبەر لێپرسراوێك لە وەزارەتي بەرگريي ئەمريكا رايگەياندبوو، لە ماوەي سێ‌حەفتەدا بە كەڵك وەرگرتن لە هێرشي هەوايي دەتوانين هێزە نيزامييەكاني حكوومەتي ئێران تێك بشكێنين.

برچسب: ،
ادامه مطلب

وەزيريێكي حوكومەتي ئێران لە پساو هێنانەوە و بۆ جيا كردنەوەي رەگەزيي 

خوێندكاران لە زانكۆكاني ئێراندا دەڵێ، رۆژئاوا بە زانستي مرۆيي و رواڵەتي دەيانەوێ لە زانكۆكانماندا لاسايي بكرێتەوە و بير و باوەڕي ئاييني گەنجانيان كردووەتە ئامانج.

كامران دانشجوو دەڵێ: هاوكاريي و هاوبەشي كچان و كوڕان لەگەڵ ژوان دوو شتي جياواز لەيەكدين و ئازاديي ئەو ئازاديي شاياني چوارپايانە.

برچسب: ،
ادامه مطلب

خوێندكاراني زانكۆكاني رۆژهه‌ڵاتي كوردستان  لە بەياننامەيەكدا داوايان لە سەرجەم خەڵكي هەر چوار بەشي كوردستان كرد كەلە رۆژي 19ي بانەمەڕدا رێز لە ئيرادە و ويستي مافخوازيي نەتەوەي كورد بگرن و لە هەمبەر لە سێدارەداني فەرزاد كەمانگەر، شيرين عەلەم هوولي ، فەرهاد وەكێڵي، مەهدي ئيسلاميان و عەلي حەيدەريان كلە رۆژي 19ي بانەمەڕي ساڵي 1389ي هەتاوي، بێدەنگ نەبن.
نوسخەيەك لە بەياننامەي خوێندكاراني كوردستاني ئێران بە ئاژانسي هەواڵدەريي كوردپا گەيشتووە.
دەقي بەياننامەكە:
خەڵكي بە شەرەفي كوردستان، بير ڕاي گشتي و رێكخراوە مەدەني و سياسيەكاني كوردستان و ئێران، وەك هەمووان ئاگادارين 19ي گوڵاني 1389ي هەتاوي وەبيرهێنەرەوەي دڕندەيي و ديكتاتۆريەتي كۆماري ئيسلامي ئيران بەرانبەر بە مرۆڤ و مێژووي مرۆڤايەتي و بەتايبەت خەڵكي كوردستانە، ئەمڕۆ دواي تێپەڕ بووني 2ساڵ لە سێدارەداني فەرزاد كەمانگەر و 4 هاوڕێي ديكەي بە ناوەكاني شيرين عەلەم هوولي ، فەرهاد وەكێڵي، مەهدي ئيسلاميان و عەلي حەيدەريان، هەنووكەش ئەو كارەساتە دڵتەزێنە و ئەو زامە لەسەر هزر و جەستەي دانيشتواني كوردستان و ئێران ماوە، با خەڵكي كوردستاني بندەستي ئێران ئەوە باش بزانن كە مێژووي مرۆڤايەتي و خەباتي ئازاديخوازانە ئەو كارەساتە قەد لەبير ناكات.

19ي گوڵان درێژەي پرۆسەي ديكتاتۆريي كۆماري ئيسلامي بۆ سەركوت، چەوسانەوە و ئيعدامي رۆڵەكاني يەكساني و ئازاديخواز بوو، پڕۆسەيەك بە درێژايي بە دەسەڵات گەيشتني كۆماري ئيسلامي لە ساڵي 1357وە هەتا ئەمڕۆ بەردەوام بووە، بە كوشتاري ساڵەكاني 57 و 58، ئيعدامە بەربڵاوەكاني جيابيراني ئەم رێژيمە لە ساڵي 1367، خولقاندني گۆڕستاني خاوەران وەك بەڵگەيەكي مێژوويي كوشتني بەكۆمەڵي ئينسانە بەرابەري و ئازاديخوازەكان و 19ي گوڵان وەك كارەسات هەستي پێكراوە و خۆي دەرخستووە و ئەوەشي بە كۆمەڵگاي مرۆڤايەتي ئێران و جيهان سەلماندووە كە ئەم رێژيمە لەگەڵ هيچ گۆڕانكارييەك و داني مافي گەلاني ئێران و بەتايبەتي گەلي كورد ناتەبايە و تا ئەو جێگايە دەستي بگات پێشێلكەري ئەو ئامانجانە و ئەو هەوڵانەيە كە دەيانەوێت دژايەتي بكەن و بيانەوێت دەسەڵاتێكي شاياني خۆيان هەڵبژێرن، ئەم دەسەڵاتە تۆتاليتێرە ئەوەشي سەلماندووە كە گوێ بيستي داخوازييەكاني خەڵكي نيە و رەتكەرەوەي پێشمەرج، قسە و پلاني وڵاتاني نێونەتەوەييەو بە ڕێكخراوە جيهانيەكاني مافي مرۆڤ بێڕێزي دەكات و خۆي بە دەسەڵاتێكي زلهێز دەزانێ، كاەرساتي 19ي گوڵان ئەوەي بەرچاو خست، راستە كە دوا بەدواي ئەو هەموو هەوڵ و هاوارەي كۆماڵاني خەڵك و ڕێكخراوە نێودەوڵەتييەكان بۆ پێشگرتن لە سێدارەداني ئەم هەڤاڵانەنەيتواني پێش لەم كارەساتە بگرێت، بەڵام وەك خاڵێكي رەش بە نێوچاواني دەسەڵاتداراني كۆماري ئيسلامي ئێرانەوەيە و مێژووي مرۆڤايەتي قەت لەبيري ناكات .

خەڵكي هەميشە لە مەيداني كوردستان، ئەگەر بمانەوێت تيشك بخەينە سەر هەوڵەكاني كۆماري ئيسلامي ئێران لەمەڕ دژايەتي كردني ئازادي و ئازاديخوازان بە درێژايەتي مێژووي سەر كارهاتني، لاپەڕە بەخۆوە دەگرێت. بەڵام 19ي گوڵان بۆ هەر مرۆڤ دۆستێك دەتوانێت ببێت بەو باوەڕەي كە كۆماري ئيسلامي دژ بە مرۆڤ و مافەكانيە.

ئێمە خوێندكاراني رۆژهەڵاتي وڵاتەكەمان كوردستان، وێڕاي مەحكووم كردني كارەساتي 19ي گوڵاني ساڵي 1389ي هەتاوي روو لە خەڵكي كوردستان، مامۆستايان و خوێندكاراني بە هەڵوێستي كوردستان دەكەين و داواكارين لەو رۆژەدا بە بەشداري نەكردنيان لە كلاسي دەرس و مەدرەسە و زانكۆكان بەتەواوي جيهان بەتايبەت بە كۆماي سێدارەي ئيسلامي بسەلمێنين كە مرۆڤ شياوي رێزگرتن و ژيانێكي ئينساني و ئازادە، نەك لە سێدارە بدرێت. ئێمە خوێندكاران وەك ئەركێكي نەتەوەيي و ئينسانيي خۆمان داوا لە خەڵكي چوارپارچەي كوردستان دەكەين بەپيري ئەم بانگەوازەوە بێن و ئەم خاڵانەي خوارەوە لەبەرچاو بگرن و هەوڵي بۆ بدەين:
ـ ناساندني رۆژي 19ي گوڵان وەك رۆژي مامۆستا لە رۆژمێري كوردستان
ـ ئامادە نەبووني مامۆستايان و خوێندكاراني كوردستان لەسەر كلاسي دەرس وەك ناڕەزايەتي بەم ئيعدامە 
ـ ناساندني مامۆستا فەرزاد كەمانگەر وەك هێماي مامۆستاي بەرخودان و لەخۆبردوويي
ـ كوژاندنەوەي گڵۆپي ماڵان لە شەوي 19ي گوڵان كاتژمێر 10 بۆ ماوەي 5 خولەك
ـ داواي پشتيواني نێونەتەوەيي ڕێكخراوەكاني مافي مرۆڤ بۆ ناساندني ئەم رۆژە وەك رۆژي مامۆستا
ـ پەيوەندي گرتن بە يەكەوە و كەڵك وەرگرتن لە sms و internet بۆ لەبير نەكردني ئەم كارەساتە و جێبەجێ بووني خاڵەكاني سەرەوە

برچسب: ،
ادامه مطلب