دكتۆر گەناوي: نابێت كورد ببێتەوە قورباني خەلافەت و ويلايەت
دكتۆر گەناوي: نابێت كورد ببێتەوە قورباني خەلافەت و ويلايەت
ڕۆژنيوز – ناوەندي هەواڵەكان لە شيكردنەوەيەكدا لەسەر دۆخي ئەمڕۆي ڕۆژهەڵاتي ناوەراست و دەستێوەردادانەكاني وڵاتاني ديكە تێيدا، نوسەرو چاودێري سياسي دكتۆر محمرد گەناوي دەڵێت: ئەگەر ئەم سستەم و حوكمڕانيەي هەرێمي كوردستان زوو گۆڕاني ريشەيي بەسەرا نەيەت، ئەوا كورد ئەبێتەوە قورباني شەڕي نێوان خەلافەت و ويلايەت.دكتۆر محمەد گەناوي نوسيويەتي:"دواي هەڵوەشانەوەي يەكێتي سۆڤيەت، كۆتايي بەجەنگي ئايدۆلۆژي هات، كە جيهاني كردبوو بە دوو بەرەو دوو بلۆكي دژبەيەك، بەكۆتايي هاتني جەنگي ئايدۆلۆژي، وڵاتان و ميللەتان گەڕانەوە سەر جەنگي سروشتي، كە بريتيە لەجەنگ بۆ بەرژەوەندي ميللي و نيشتماني خۆيان ئيتر لەبري هاوپەيماني ئايدۆلۆژي، هاوپەيماني بەرژەوەندي ئابوري، شارستاني، ئايني ،نەژادي، بوونە پێوەري پەيوەندي هاوپەيمانيان".
گەناوي دەڵێت:"لەگەڵ ڕوخاني سەدام و قەزافي و لاوازبوني سوريا، بۆشايي هێز لەناوچەكە درووستبوو، كە هەموو لايەك هەوڵ دەدەن ئەم بۆشاييە پڕبكەنەوە، لە ڕۆژهەڵاتي ناوەڕاست بەهۆي لاوازي و كەنەفت بووني وڵاتاني عەرەبي، هەريەكە لە توركيا بە پاشخاني خەلافەتي سوننەي ئيسلامي و خەوني ژيانەوەي دەوراني عوسماني، ئێران بە پاشخاني شۆڕشي ئيسلامي و هيواي دروستبووني ويلايەتي فقيە لەسەربنەماي مەزهەبي شيعي، هەروەها ئيسرائل و ڕۆژئاواش بەپاڵنەري ڕاگرتني هاوسەنگي هێزو ئاسايش و پاراستني هێڵەكاني وزە، بەگەرمي لەپێشبڕكێدان و چالاكانە كار ئەكەن بۆ دروستكردني پايەكاني خۆيان لە سوريادا".
هەر لەو ڕووە وەها درێژەي پێدەدات:"يەكەم خاڵي نەبەردي يەكلابونەوەي زۆرانبازي هێزي توركي و ئێراني و ئيسرائلي لەگەڵ ڕۆژئاواييەكان ئێستا لەسوريا و عێراقە، هەرچي ئێرانە بەهێزو بازووي ئابوري نەوت و گروپە شيعەكان و تواناي سەربازي و هەواڵگري لەحاڵي بەرگري دايە لە سوريا و لوبنان و عێراق، لە يەمەن لە حاڵي هێرشدايه، ئێران بۆ بەهێزكردني بەرەي سوريا و عێراق راستەوخۆ لەدەرەوەي سنورەكاني خۆي لەجەنگدايە لەگەڵ توركياي سونني، بەڵام لەگەڵ ئيسرائل و ڕۆژئاوا لە ڕێكەوتندايە، چونكە لە هەندێك شوێن بەرژەوەنديان يەكە، وەك لە عێراق، بەڵام لەيەمەن و لوبنان بەپێچەوانەوە، هەرچي توركياي عەلەم داري دنياي سوننەو خەلافەتە، پشتيواني قوڵي ستراتيژي گەورەي دنياي سوننەي هەيە، توركيا هەموو تواناي خۆي بەكاردەهێنێ بۆئەوەي بەشۆڕشي ئيسلامي دنياي سوننە بتوانێ شكۆي خەلافەتي عوسماني ئيسلامي بۆخۆي بگێڕێتەوە، كە ئەمساڵ دەبێتە ٩٠ ساڵەي نەماني خەلافەتي ئيسلامي سوننەي عوسماني".
دكتۆر گەناوي لەسەر ئەم باسە شيكردنەوەي زياتر دەكات و دەنوسێت:"توركيا بەهۆي ئەندامبوني لە ناتۆ ناتوانێت وەك ئێران لە بريارداندا سەربەخۆ بێت، بەڵام هيچ گوماني تيانيە كەبووني گروپە سونيەكان لەوڵاتاني ئيسلامي بۆ توركيا هيوايەكي زێڕينە و دەستابەرداري نابێت، چونكە توركيا تەنها لە ڕێگەي گروپە سوننە ئيسلاميەكانەوە ئەتوانێ نفوزي خۆي فراوان بكات و خەونەكاني بێنێتەدي، بۆيە لە راستيدا گروپە ئيسلاميەكان لە جيهاني سوننەي ئيسلاميدا تەنها گروپێكن كە توركيا متمانەيان پێ بكات، ئەوانيش زەخيرەي ستراتيجي توركيان، توركياش لەپێناو ئەم گروپانەدا ئامادەيە هەموو ئەم دەوڵەت و تاقمانە بكاتە قورباني كە لە وڵاتاني ئيسلامي دەسەڵاتدارن، بەڵام بۆ توركيا جێگاي متمانە ني".
لەدرێژەتي وتارە شيكاريەكەيدا بۆ دۆخي سوريا و ڕۆژهەڵاتي ناوەڕاست، گەناوي ئاماژە بەوەدەكات:"ئيسرائيل وەك تەنها وڵاتێك بەفەرهەنگ و بەهاي ڕۆژئاواييەوە لەناوچەكەدا ڕاستەوخۆ لەگەڵ هەردوو هێزي خەلافەتي توركيا و ويلايەتي فقهي ئێرانيدا لە ڕووبەرووبونەوەدايە، بەڵام لەكاتي ئێستادا هەم هێزي خەلافەت و هەم هێزي ويلايەت، هەروەها ئيسرائيليش لەگەڵ هەردووكيان لەقۆناغي پەيوەندي تاكتيكي دان، چونكە هيچيان بۆ يەكتر جێگاي متمانە نين".
هەروەها ئەوە دەڵێت:"ئەوەي گرنگە تا ئێستا روسياو چين وەك دوو هێزي گەورەي جيهاني زياتر ڕۆڵي سەيركەري هەستيار ئەبينن، ئەشێت لەهەر گۆڕانكاريەكي چاوەڕواننەكراو ئەوانيش بە گەرمي بۆ بەرژەوەندي خۆيان بێنە ناو هاوكێشەي هێزو بەرژەوەنديەكانەوە بەدژايەتي خەلافەت و ويلايەت يان پشتگيري يەكێكيان دژي ئەمي تر، ئەوەي جێگەي باس و لێكۆڵينەوەو شرۆڤە بێت ڕۆڵي گەلي كوردە لە نێوان خەلافەت و ويلايەتدا، ئايا كورد هەمان رۆڵي كۆن ئەبينێتەوە كە لەسەدەي سازدە دا بينيويەتي، واتە دابەش بوون بە سەر هەردوو هێزي خەلافەت و ويلايەتدا".
لەسەر باشوري كوردستان و كورد گەناوي وەها درێژە بە نوسينەكەي دەدات:"تائێستا گەلي كورد بەتايبەت ئەوەي پێي ئەڵێن دەسەڵات و حكومەت لە باشوري كوردستان بەهۆي هەژاري فكري و قاتي بوون لەهەموو عەقڵێكي دروست، نەيان توانيوە ناسنامە بۆ دەسەڵات و حكومەت دروستبكەن، بۆيە بۆ هيچ كام لەهێزەكان وەكو لايەني خاوەن فكرو ئايدياو سياسەت و ئامانج سەير ناكرێت، بەڵكو وەكو ڕاگوزەرێكي بازرگاني قاچاخ سەيري هەرێم و حكومەتي هەرێم دەكرێت، كە بە گوێرەي بەرژەوەنديان مامەڵەي لەگەڵدا ئەكەن بەڵگەش بۆ ئەمە ئەمەيە: لەعێراق تەنها كورد دژي داعش ئەجەنگێ و قورباني ئەدا وەكو ميلەت، بەڵام هەموو مامەڵە سياسي و ئابوري و ستراتيجيەكان لەگەڵ بەغداو ئە نقە رە و تاراندا دەكرێت، هەر وەك ئيستا دەبينين لە ئەمريكا كۆنفڕانس ئـەكرێت به بەشداري ٦٦ ولات و ٤٦ وەزيري بەرگري بۆ بەرەنگابونەوهي داعش، بەڵام كور بەشداري پێناكرێت، ئەمەش شكستێكە بۆ دەسەڵات و حكومەتي ميليشيايي گەندەڵ و بێباك بەرامبەر داهاتووي گەل و وڵات".
دكتۆر محەمەد گەناوي بەمشێوەيە كۆتايي بەوتارەكەي هێناوە:" نەبووني بەرپرسياريەتي واي كردووە كە بەپێي جوگرافيا ميليشاي كوردي دەوري جاشايەتي ببينێت بۆ خەلافەتي عوسماني نوێ يان ويلايەتي فەقهي ئێراني، بۆيە ئەگەر ئەم سستەم و حوكمڕانيەي هەرێمي كوردستان هەرچي زوتر گۆڕاني ريشەيي بەسەرا نەيەت، ئەوا كورد ئەبێتەوە قورباني شەڕي نێوان خەلافەت و ويلايەت، كە هەردووكيان بۆ كورد يەك تێڕوانينيان هەيە، ئەوەش ئەمەيە كە كورد وەك مرتەزەقە-جاش، بەكاربێنن بۆ بەرژەوەندي خۆيان، وە وەك هەميشە كورد ببێتەوە قورباني جەنگێك كە خێري بۆ كورد نيە".
برچسب: ،
امتیاز:
بازدید:
+ نوشته شده: ۳ ارديبهشت ۱۳۹۹ساعت: ۰۱:۱۰:۳۳ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع: