نرده استیل   رام گوشی   سیگنال فارکس   سایت بتکارت   Betcart   بتکارت   لایسنس رایگان نود 32   یوزر پسورد نود 32   سئو سایت   سفارش رپورتاژ آگهی   لایسنس نود32   آپدیت نود 32   بک لینک   
 تفريحي سرگرمي تفريحي سرگرمي .

تفريحي سرگرمي

پرسي به‌دەوڵەتبووني كوردستان ... حسەين يەزدانپەنا

پرسي به‌دەوڵەتبووني كوردستان ... حسەين يەزدانپەنا

PAZADIK: له‌و كاته‌وه‌ به‌ڕێز مه‌سعود بارزاني، له‌ كۆنگره‌ي 13ي حيزبه‌كه‌يدا رايگه‌ياند كه‌ له‌وه‌ به‌ دوا "مافي چاره‌ي خۆنووسين ده‌بێته‌ ئه‌جنداي كاري" ، بۆ من قابيلي پێشبيني بوو كه‌ كۆنسێپت و گوتاري كورد ده‌چێته‌ ئاستێكي ديكه‌وه‌.

فستيڤاڵي 66 ساڵه‌ي دامه‌زراني ده‌وڵه‌تي جمهووري كوردستان به‌به‌شداري حيزب و لايه‌نه‌كاني هه‌ر چوارپارچه‌ي كوردستان و وته‌كاني سه‌رۆكي هه‌رێمي كوردستان له‌و فستيڤاڵه‌دا، گوڕ و تينێكي تازه‌ي به‌خشي به‌و گوتاره‌. بارزاني له‌ زنجيره‌ بۆنه‌يه‌كي ديكه‌ي وه‌ك كۆنفرانسي لاواني چوارپارچه‌ي كوردستان و نه‌ورۆز، پێي له‌ سه‌ر پرسي به‌ ده‌وڵه‌تبوون و ته‌نانه‌ت يه‌كگرتنه‌وه‌ي كوردستان داگرت. هاوكات، لايه‌ني هاوپه‌يماني، واته‌ يه‌كێتي نيشتماني كوردستان هه‌ر چه‌ند سكرتێري يه‌كێتي سه‌ركۆماري عێراقه‌ و ئه‌وه‌ كۆمه‌ڵێك ده‌ربه‌ستيي سياسي لێكه‌وتوه‌ته‌وه‌ بۆي، به‌ده‌ر نه‌بوو له‌و كه‌ش و هه‌وا تازه‌يه‌. وته‌كاني به‌رێز. د‌. به‌رهه‌م ساڵح له‌ فستيڤاڵي 66 ساڵه‌ي كۆمار له‌ ئاماژه‌ به‌ " ئازادي سه‌رتاسه‌ري و هه‌تاسه‌ري وڵاته‌كه‌مان" ، هاوكات بڵاو كردنه‌وه‌ي " ديدارێك بۆ مێژوو" له‌ ته‌له‌فزيۆني گه‌لي كوردستان كه‌ به‌ڕێز مام جه‌لال كاتي خۆي پێي له‌ سه‌ر مافي چاره‌ي خۆ نووسيني كورد داگرتبوو و هه‌روه‌ها په‌يامه‌ نه‌ورۆزييه‌كه‌ي كه‌ باسي له‌ مافي چارەي خۆنوسين وه‌ك پرێنسيپێك كرد، ئه‌مانه‌ هه‌مووي بوونه‌ هۆي ئه‌وه‌ي پرسي دامه‌زراندني ده‌وڵه‌تي كوردستان، ببێته‌ پرسي رۆژ و له‌ ئاكامدا له‌ مانه‌وه‌ له‌ حاستي سه‌ركرده‌كان و نوخبه‌ي سياسي بترازێ و شۆر بێته‌وه‌ بۆ ناو هه‌موو چين و تۆێژه‌كاني كورده‌واري له‌ هه‌موو پارچه‌كاني كوردستان و ره‌وه‌ندي كوردي له‌ ده‌ره‌وه‌ي وڵات. هه‌روه‌ها سه‌رنجي ده‌وڵه‌تان و ناوه‌نده‌ سياسييه‌كاني ناوچه‌كه‌ و جيهان جارێكي ديكه‌ بۆ لاي كورد رابكێشرێ.
من لە سه‌ر ئه‌و باوه‌ڕه‌م سه‌رۆكي هه‌رێمي كوردستان له‌م گوتار و ئه‌جندايه‌ي دا، واته‌ به‌ده‌وڵه‌تكردني كوردستان، پشتي به‌ كۆمه‌ڵێك فاكته‌ري گشتي و تايبه‌تي پۆزه‌تيڤ و نێگه‌تيڤ به‌ستووه‌. به‌ كورتي ئاماژه‌ به‌گرينگتريني ئه‌و فاكته‌رانه‌ ده‌كه‌م:
1- له‌ جيهاني ئه‌مڕۆدا، ده‌وڵه‌ت- نه‌ته‌وه‌ ده‌سكرده‌كان تووشي قه‌يران بوون. بۆيه‌ له‌ لايه‌ك ئه‌م ده‌وڵه‌تانه‌ چيديكه‌‌ تواناي مانه‌وه‌يان نييه‌ و له‌ لايه‌كي ديكه‌وه‌ كۆمه‌ڵێك ده‌وڵه‌تي نوێ داده‌مه‌زرێن و به‌ ژماره‌ي ده‌وڵه‌تاني ديكه‌ زياد ده‌بن. له‌ 1991ه‌وه‌ ره‌وتي هه‌ڵوه‌شانه‌وه‌ي ئه‌م جۆره‌ ده‌وڵه‌تانه‌ به‌ هه‌ڵوه‌شانه‌وه‌ي يه‌كێتي سۆڤيه‌ت ده‌ستي پێكرد. پاشان گه‌يشته‌ چێكۆسڵۆواكيا و يوگوسڵاويا و ئه‌ندۆنێزيا و سوودان و... هتد . عێڕاق و ئێران و سوريا و تركيا ده‌چنه‌ خانه‌ي دەوڵەت- نەتەوە دەسكردەكان.
له‌ جيهاني ئه‌مڕۆدا سنووره‌ سياسييه‌كان ئه‌و پيرۆزييه‌ ڤێستڤالياييه‌يان نه‌ماوه‌‌ و له‌ به‌ر ده‌م ناسنامه‌ و ئيراده‌ي نه‌ته‌وه‌يي نه‌ته‌وه‌كاندا هه‌ڵده‌ته‌كێن. ئاڵمانيا بۆ 4 ده‌يه‌ ، نه‌ته‌وه‌كه‌ي دوو كه‌رت كرا و ديوارييان له‌ نێواندا هه‌ڵچنرا، به‌ ئيراده‌ي نه‌ته‌وه‌كه‌ي هه‌ڵگيرا و ئه‌و نه‌ته‌وه‌يه‌ يه‌كي گرته‌وه‌. نه‌ته‌وه‌كاني ناو ئه‌و ده‌وڵه‌تانه‌ي ناوم هێنان بۆ چه‌ندين ده‌ ساڵ به‌ زۆري له‌ چوارچێوه‌ي سنوورێكي سياسيدا پێكه‌وه‌ لێكێندرا بوون، كه‌ چي به‌ ئيراده‌ي نه‌ته‌وه‌كانيان هه‌ڵوه‌شانه‌وه‌ و هه‌ر كاميان ده‌وڵه‌تي نه‌ته‌وه‌يي خۆيان چێ كرد. كه‌ واته‌، له‌م سه‌رده‌مه‌دا، نه‌ته‌وه‌ بێده‌وڵه‌ته‌كان ده‌رفه‌تي ئه‌وه‌يان بۆ ره‌خساوه ئه‌گه‌ر خۆيان ئيراده‌يان هه‌بێ، خۆ رزگار بكه‌ن و ببنه‌ خاوه‌ني ده‌وڵه‌ت. ئه‌وانه‌ش كه‌ دابه‌‌شكراون يه‌كبگرنه‌وه‌. 
بۆيه‌ ديسكۆرسي به‌ده‌وڵه‌تبووني كورد له‌ گه‌ڵ پارادايمي جيهاني ئه‌مرۆ گونجاو و ته‌بايه‌.
2- كورد هه‌موو مه‌رجه‌ ياساييه‌كاني به‌ ده‌وڵه‌تبووني تێدايه‌. هه‌ر ده‌وڵه‌تێك له‌ سەر سێ بنه‌ماي سه‌ره‌كيي پێدێ كه‌ بريتين له‌ : هه‌ڕێمێك، واته‌ خاك و نيشتمان، خه‌ڵكێك واته‌ دانيشتوان و ده‌سه‌ڵاتێكي سياسي. هه‌موو ئه‌م مه‌رجانه‌ ئه‌مڕۆ له‌ باشووري كوردستان هه‌ن.
3- ئه‌زمووني پێكه‌وه‌ ژياني سياسي كورد لە گەڵ عه‌ره‌ب و فارس و ترك، له‌ ناو يه‌ك سيسته‌مي سياسيدا، نه‌ك هه‌ر ئه‌زموونێكي سه‌ركه‌وتوو نه‌بووه‌ ونييه‌، به‌ڵكوو بۆ كورد كاره‌سات و ماوڵوێراني بووه‌. ئێستا له‌ 2003 بەوڵاوە‌، جۆرە سيستەمێكي هاوبەشي ديكەش لە عێڕاق تاقي دەكرێتەوە. لەو كاتەوە كورد و عه‌ره‌ب له‌ عێراقي به‌ ناو فيدڕاڵدا پێكه‌وه‌ له‌ سيسته‌مێكي سياسيدا ده‌ژين. له‌ ته‌واوي ئه‌و ماوه‌يه‌دا، ده‌سه‌ڵاتداراني عه‌ره‌بي ئه‌م ده‌وڵه‌ته‌، خۆيان له‌ جێبه‌جێ كردني ئه‌و ماده‌ دستووري و رێككه‌وتنانه‌ي پێوه‌ندييان به‌كورده‌وه‌ هه‌يه‌ بواردووە‌. هه‌روه‌ها پلان بۆ ئه‌وه‌ داده‌نێن كه‌ له‌ سه‌ڵاحييه‌ته‌كاني" هه‌رێمي كوردستان" كه‌م بكه‌نه‌وه‌ و ده‌سه‌ڵاتي ناوه‌نديي به‌ سه‌ردا بسه‌پێنن. ده‌شبيستين كه‌ به‌ ته‌ماي هاتني فرۆكه‌ي شه‌ڕكه‌رن كه‌ جارێكي ديكه‌ كوردستاني پێ بۆردومان بكه‌نه‌وه‌.
له‌ وه‌ها هه‌لومه‌رجێكدا، تێپه‌ڕيني كات ناتوانێ له‌ قازانجي كورد بێ. كورد تا دوو ده‌يه‌ له‌مه‌وبه‌ر گيرۆده‌ي ده‌ستي سياسه‌تي جيهاني و رێككه‌وتنامه‌ نێوده‌وڵه‌تييه‌كان بوو. دۆخي كورد به‌ جۆرێك ناسكه‌ كه‌ گۆڕانكارييه‌كي جيهاني ده‌توانێ به‌ چاك يان خراپ زوو كاري تێبكا. هيچ زه‌مانه‌تێك له‌ گۆڕێدا نييه‌كه‌ هه‌لومه‌رجي جيهاني هه‌تا سه‌ر ئه‌و ده‌رفه‌تانه‌ي تيا بمێنێته‌وه‌‌ كه‌ كورد تێيدا هه‌ناسه‌ بدا و ئه‌م قه‌واره‌يه‌ي باشوري كوردستان به‌مجۆره‌ بمێنێته‌وه‌. بۆيه‌ زۆر به‌ جێ و دروسته‌ كه‌ سه‌رۆكي هه‌رێمي كوردستان نه‌هێڵێ كوردستان و قه‌واره‌ سياسييه‌كه‌ي بكه‌ونه‌ حاڵه‌تي بنبه‌ست و ديفاعيه‌وه. حاڵه‌تي ئه‌وتۆ مه‌رگي قه‌واره‌كه‌يه‌. بۆيه‌ رێگاي رزگار بوون لە به‌ره‌و ده‌وڵه‌ت چووندايە‌. ئه‌مڕۆ هێشتا ده‌رفه‌تي ئه‌وه‌ بۆ كورد ماوه‌ كه‌ به‌ره‌و پێش هه‌نگاو بهاوێ. جيهان، ناوچه‌كه‌ و ناوخۆ، كۆمه‌ڵێك ده‌رفه‌تي گه‌وره‌ي بۆ كورد تێدان. به‌ڵام كه‌ ئه‌و ده‌رفه‌تانه‌ نه‌مان، كورد و قه‌واره‌ سياسيه‌كه‌ي ده‌كه‌ونه‌ به‌ر هه‌ڕه‌شه‌.
زۆر جێگاي داخ بوو كه‌ ئه‌وانه‌ي تا دوێنێ ره‌خنه‌يان له‌ سه‌ركردايه‌تي كورد ده‌گرت كه‌ عێراقچێتي ده‌كه‌ن و سه‌ربه‌خۆيي راناگه‌يه‌نن، پاش ئه‌وه‌ي سه‌رۆكي هه‌رێمي كوردستان، پرسي به‌ ده‌وڵه‌تكردني كوردستاني ورووژاند، هاوسه‌نگي خۆيان له‌ ده‌ست دا و به‌ دژي گوتاري به‌ ده‌وڵه‌تبوون قۆڵيان لێهەڵماڵي و هه‌موو تواناي خۆيان خسته‌ گه‌ڕ. ئه‌وانه‌ي ئه‌م رێگايه‌يان گرتووه‌ته‌ به‌ر يه‌كده‌ست نيين و ده‌كرێ دابه‌شي چوار ده‌سته‌يان بكه‌ين كه‌ به‌ هه‌مووشيانه‌وه‌ كه‌مايه‌تيه‌كي پچووكي دانيشتواني باشوري كوردستان له‌ سه‌ر ئه‌م پرسه‌ پێكده‌هێنن:
1- ئه‌وانه‌ي كه‌ باوه‌ڕيان به‌ دێموكڕاسي عێڕاقي و ژيان له‌ ناو ئه‌م سيسته‌مه‌ دێموكراتييه‌دا؟! كردوه‌ و پێێانوايه‌ هه‌ر به‌ راست ئه‌م وڵاته‌ له‌ سه‌ر بنه‌ماكاني دێموكڕاسي رێكخراوه‌. ئه‌م ده‌سته‌يه‌ له‌ بيري ده‌كه‌ن، كه‌ هه‌م ده‌ستووري عێڕاق و هه‌م دۆخي ئێستاي ئه‌م وڵاته‌ به‌رهه‌مي پارسه‌نگي هێزه‌ له‌ نێوان كورد و ئه‌واني ديكه‌دا، نه‌ك باوه‌ڕ و قه‌ناعه‌تي سه‌ركرده‌ سياسييه‌كاني عه‌ره‌ب به‌ دێموكڕاسي و پێكه‌وه‌ ژيان. ماليكي تۆزێكي ديكه‌ هێز له‌ خۆيدا شك ببا، ده‌ستووري ئێستا هه‌ڵده‌وه‌شێنێته‌وه‌ و گوێ به‌ هيچ رێسا و ياسايه‌كيش نادا.
2- ئه‌وانه‌ي كه‌ بۆ مڵملانێ له‌ گه‌ڵ بارزاني ئاماده‌ن سنووره‌ نه‌ته‌وه‌ييه‌كانيش ببه‌زێنن و به‌ مردني خۆيان رازيين، به‌ مه‌رجێ زيان به‌و بگه‌يه‌نن.
3- ئه‌وانه‌ي پێيانوايه‌، كورد كاتێ ده‌توانێ ده‌وڵه‌ت رابگه‌يه‌نێ كه‌ له‌ ده‌ره‌وه‌ وه‌ك دياريي پێشكه‌شي بكه‌ن و له‌ ناوخۆشدا، هيچ كێشه‌ و كه‌مووكوڕييه‌ك نه‌بێ و هه‌موو مه‌رجه‌كان سه‌ت له‌سه‌ت حازر كرا بێ. ئه‌م ڕوانگه‌يه‌ هيچ حيسابێك بۆ مه‌ترسيه‌كاني ئێستا و ئه‌گه‌ره‌ مه‌ترسيداره‌كاني داهاتوو و ئيراده‌ي نه‌ته‌وه‌يي كورد ناكا. ئه‌مه‌ روانگه‌يه‌كي ئايدياليستيه‌ و شتي وا هه‌رگيز مومكين نابێ. بۆيه‌ ده‌رنجامي ئه‌م تێگه‌يشتنه‌ ئه‌وه‌يه‌ كه‌ كوردستان هه‌تا هه‌تايه‌، نابێ ده‌وڵه‌تي خۆي هه‌بێ.
4- ئه‌وانه‌ي كه‌ فه‌رماني تاران و دوژمناني ديكه‌ي كورد بۆ دژايه‌تي كردني سه‌ربه‌خۆيي و به‌ ده‌وڵه‌تبووني كوردستان به‌ جێ ده‌گه‌يه‌نن و ئه‌م به‌رفه‌رمانيه‌ش به‌ تيۆري و بيانووي جۆراوجۆره‌وه‌ داده‌پۆشن.
به‌ڵام سه‌ره‌ڕاي هه‌بووني ئه‌م ده‌نگانه‌ به‌ دژي گوتاري به‌ ده‌وڵه‌تبوون، ئه‌و گوتاره‌، له‌ لايان زۆربه‌ي زۆري دانيشتواني باشوري كوردستانه‌وه‌ پشتگيري ده‌كرێ، هه‌روه‌ها نه‌ته‌وه‌ي كورد له‌ پارچه‌كاني ديكه‌ي كوردستانيش پشتگيري لێده‌كه‌ن و هيوايان پێبەستووە.

* ئەم بابەتە لە فەيسبووكي تايبەتي بەڕێز حسەين يەزدانپەنا، وەرگيراوە.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۵۱ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع:

ئێران لە ريزي پێشەوەي پێشێلكەراني ئازاديي چاپەمەنييە

ئێران لە ريزي پێشەوەي پێشێلكەراني ئازاديي چاپەمەنييە

 

 لە بەرەبەري رێورەسمي رێزگرتن لە رۆژي جيهاني ئازاديي چاپەمەني كە رۆژي پێنجشەممە 14 گوڵان بەڕێوەدەچێ، ئێران، سووريە و كۆرياي باكوور لە ريزي پێشەوەي پێشێلكەراني ئەم ئازادييەدان.

كۆميتەي پشتيواني لە رۆژنامەوانان CPJ كە بنكەي سەرەكيي لە نيۆيۆركە، لە راپۆرتەكەي خۆيدا، ئێران، سووريە و كۆرايي باكووري بە هۆكاري نائاراميي ژيۆپۆلۆتيك و ناوكي ناوچە ناساندووە.

هەروەها لە ليستي ئەم كۆميتەيەدا ناوي وڵاتاني وەك، ئەريترە، گێنەي ئيستوايي، ئۆزبەكستان، ميانمار، عەرەبستاني سعودي، كوبا و بيلارووس/يش دەبينرێن.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۴۹ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع:

بەندكراوێكي كوردي ورمێ لە بەنديخانەي شاهروود ئيعدام كرا

بەندكراوێكي كوردي ورمێ لە بەنديخانەي شاهروود ئيعدام كرا

 

سەرلە بەياني رۆژي دووشەممە چەنگيز  كوڕي حاجي محەممەد مەجيدي خەڵكي ئاوايي "گلانيك" ي سەربەر ناوچەي ئەنزال لە ورمێ لە بەنديخانەي شاهروود لە شاري سمنان ئيعدام كرا.

بەپێ هەواڵي كۆردپا، كەسێكي نێزيك لە بنەماڵەي ناوبراو ئاگادار كراوەتەوە بۆ وەرگرتانەوەي تەرمي چەنگيز.
شاياني باسە هەواڵگري ئيرنا رايگەياند كە ئەمڕۆ چوار كەس بە تاواني جۆراوجۆر لە بەنديخانەي شاهروود ئيعدام كراون.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۴۹ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع:

فڕۆكه‌ جه‌نگيه‌كاني ئه‌مريكا له‌نزيك سنووره‌كاني ئێران جێگير كران

فڕۆكه‌ جه‌نگيه‌كاني ئه‌مريكا له‌نزيك سنووره‌كاني ئێران جێگير كران

 

كه‌ناڵي فۆكس نيوزي ئه‌مريكي له‌ راپۆرتێكدا ئاماژه‌ي به‌وه‌كرد هێزي ئاسماني ئه‌مريكا چه‌ندين فڕۆكه‌ي جۆري ئێف 22 ي يه‌كێك له‌ بنكه‌ سه‌ربازيه‌كاني خۆي له‌ ئيمارات جێگير كردوه‌ كه‌ 320 كيلۆمه‌تر مه‌وداي له‌گه‌ڵ ئێران هه‌يه‌.

 رۆژنامه‌ي واشنتۆن پۆستيش له‌ زاري چه‌ند به‌رپرسێكي هێزي ئاسماني ئه‌مريكاوه‌ ئاشكراي كردوه‌ چه‌ندين جۆر فڕۆكه‌ي پێشكه‌وتووي ئه‌و وڵاته‌ له‌ ناوچه‌ي باشوري رۆژئاواي ئاسيا جێگير كراون.
"فيل ڤينچۆرا" وته‌بێژي هێزي ئاسماني ئه‌مريكا به‌ بێ ئه‌وه‌ي ئاماژه‌ به‌ ژماره‌ي فڕۆكه‌ جه‌نگيه‌كاني جۆري ئێف 22 بدا رايگه‌ياندوه‌ ئه‌و جمووجۆڵه‌ له‌ چوارچێوه‌ي هاوكاري سه‌ربازي وڵاته‌كه‌ي و هێزي سه‌ربازي وڵاتاني ناوچه‌كه‌ و به‌رزكردنه‌وه‌ ئاستي رێوشوێنه‌ ئه‌منيه‌كانه‌.
ڕه‌وانه‌ كردني ئه‌و فڕۆكه‌ جه‌نگيانه‌ بۆ نزيك سنوري ئێران له‌ كاتێكدايه‌ له‌ بڕياره‌ له‌ 23 ي مانگي ئايار خولي دووه‌مي دانوساني ئێران و وڵاتاني گروپي 6 له‌ عێراق به‌ڕێوه‌بچێ كه‌ تايبه‌ته‌ به‌دۆزينه‌وه‌ي رێگه‌ چاره‌يه‌ك بۆ به‌رنامه‌ ئه‌تۆميه‌كه‌ي ئێران.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۴۸ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع:

سەرۆكي تيمي چاودێران، داواي ڕاگرتني توندو تيژييەكان لە سووريە دەكا

سەرۆكي تيمي چاودێران، داواي ڕاگرتني توندو تيژييەكان لە سووريە دەكا 

 

سەرچاوەكاني هەواڵ ڕايانگەياند، سەرۆكي تيمي چاودێراني ڕێكخراوي نەتەوە يەكگرتووەكان لە وڵاتي سوريا تايبەت بە چاودێريكردني پڕۆسەي ئاگربەستي نێوان سوپاي ڕژێمي بەشار ئەسەد و هێزەكاني ئۆپۆزسيۆن جەنەڕاڵ رۆبێرت مود لە فڕۆكەخانەي

ديمەشقەوە داواي لە سەرجەم لايەنەكاني ئەو وڵاتە كرد توندو تيژييەكان ڕابگرن بە مەبەستي سەرخستني پلاني نێردەي هاوبەشي نەتەوە يەكگرتووەكاني و كۆمكاري وڵاتاني عەرەبي بۆ سوريا بۆ ئەوەي بارودۆخي ناوخۆيي سوريا هێور ببێتەوە و سنورێك بۆ كوشتني هاووڵاتيان دابندرێ.
جەنەراڵ رۆبێرت مودي سەرۆكي تيمي چاودێران لە سوريا وتيشي، لە ئێستادا سي چاودێري نێودەوڵەتي لەخاكي سوريا ئەركەكاني تايبەت بە ئاگربەست جێبەجێ دەكەن و لەگەڵ ئەمەشدا ڕەوشي سوريا پێويستي بە چاودێري زياتر هەيە و هيوادارين لە ڕۆژاني داهاتوودا ئەو سێ سەد چاودێرە پێشنيار كراوە بە خێرايي بگەنە سوريا بۆ ئەوەي پلاني ئاگربەستي كۆفي ئەنان لە گوماني شكست خواردن ڕزگاري ببێ.
وێڕاي بڵاوبوونەوەي چاودێراني نێودەوڵەتي و ڕاگەياندني ئاگربەست لە سوريادا كوشتن و بڕين نەوەستاوە و تەنها لە ڕۆژي ڕابردوودا و لە شارە جياجياكاني ئەو وڵاتە نزيكەي بيست و نۆ كەس بونەتە قورباني و ڕێكخراوە نێودەوڵەتييەكانيش ئاشكراي دەكەن كە لە سەرەتاي خۆپێشاندانەكان و ڕووبەڕووبوونەوەي خۆپێشاندەران لەلايەن هێزەكاني بەشار ئەسەدەوە و تاوەكو ئێستا يانزە هەزار كەس گيانيان لەدەست داوە.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۴۷ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع:

سەلاحەدين دەميرتاش: كورد دەيەوێت بۆخۆي خۆي بەڕێوە ببات

سەلاحەدين دەميرتاش: كورد دەيەوێت بۆخۆي خۆي بەڕێوە ببات 

 

  لە سيمينارێكدا كه 26/04/2012بۆ شاندي پارتي ئاشتي و ديموكراسي BDP لە واشنگتن ئامادەكرابوو، هەر يەك لە سەلاحەدين دەميرتاش و گوڵتان كيشاناك هاوسەرۆكاني BDP و ئەحمەد تورك، هاوسەرۆكي كۆنگرەي كۆمەڵگاي ديموكراتيك رونگەي خۆيان بۆ پرسي كورد بۆ بەشداربووان شي كردەوە. 

 سەلاحەدين دەميرتاش لە بەشێكي وتەكاني گوتي "كێشەي كورد تەنها كێشەي توركيا نيه، بەڵكو گرفتێكي گەورەي ناوچەيي و جيهانيه. كێشەي كورد، كێشەي نەتەوەيەكە كه دەيهەوێت بۆخۆي خۆي بەڕێوە ببا".
 دەميرتاش گوتيشي "لەڕوانگەي ئێمه، كێشەي كورد لە توركيا لەنێوان كورد و تورك نيه، بەڵكو كێشەي نەتەوەي كورد و حكومەتي توركيايه".
ناوبراو سەبارەت به پەيوەندي نێوان BDP و PKK، گوتي "ئێمه بڕوامان بەوە نيه لە رێگاي توندوتيژيەوە مافەكانمان بەدەست بهێنين. ئێمە پارتي كرێكاراني كوردستان وەك رێكخراوەيەك دەبينين كه بەرگري لە مافەكاني كورد دەكا. 
 بەشێكي زۆري لايەنگراني پارتي كرێكاراني كوردستان دەنگيان به ئێمە داوە، ئێمە نوێنەري ئەو كەسانەين كه دەنگيان پێداوين و هيچ پەيوەنديەكي رێكخراو لەنێوان ئێمه و پارتي كرێكاراني كوردستاندا نيه و ناكرێ ئێمە وەك باڵي سياسي PKK سەير بكرێين".
 گوڵتان كيشاناك لە بەشێكي قسەكاني رەخنەي لەسياسەتي نكۆڵي كردن لە زماني كوردي گرت و گوتي "بەكار هێناني زماني دايكي لە سەدەي بيست و يەكەم نابێ وەك داخوازيەك سەير بكردرێت، ئەمە مافێكي سروشتيه و نابێ زمانێك كه 40 مليۆن كەس قسەي پيدەكا قەدەغە بكرێ".
 كيشاناك گوتيشي "بەبێ ديموكراسي كێشەكان چارەسەر نابێ. ئێمە لەسەر ئەو باوەڕەين ديموكراسي دەرماني توندوتيژيە و كێشەكان چارەسەر دەكات".
 هاوسەرۆكي BDP سەبارەت به پەيوەندي پارتەكەي به PKKەوە گوتي "ئەو گرفتانەي ئێمه باسي لێوە دەكەين پارتي كرێكاراني كوردستانيش باسي دەكا. بە بڕواي ئێمه هەر كەسێك كار بۆ مرۆڤايەتي بكا و كاري باش بۆ كۆمەڵگايەكي ديموكراتيك ئەنجام بدا، جێگەي رێز و ستايشه.
 ئەحمەد تورك، هاوسەرۆكي كۆنگرەي كۆمەڵگاي ديموكراتيك، پرسياري ئاڕاستەي بەشداربووان كرد و گوتي "ناوەڕۆكي كێشەكە لەوەدايە كە كورد هەلي بۆ نەڕەخساوە بيروڕاي خۆي ئازادانه دەرببڕێت و PKK هەر بۆ ئەوە دامەزراوە. پێويسته لەوە تێ بگەين ئاخۆ كوردە توندوتيژي بەكار دەهێنێ ياخود حكومەتي توركيا كه دان به هيچ مافێكي كورد نانێت و داواكاريە ئاشتيانەكەي به چەك ولام دەداتەوە".
 ئەحمەد تورك راشيگەياند "من لە قوڵايي دڵەوە لەو بروايەدام ئەگەر توركيا دان به زمان و ناسانامەي نەتەوەيي كورد بنێت، كورد و تورك دەتوانن پێكەوە به ئاشتي بژين".
 ماوەي چەند رۆژه، بە مەبەستي ديدار و چاوپێكەوتن لەگەڵ بەرپرساني ئەمريكايي و تاوتوێ كردني پرسي كورد، شاندێكي پارتي ئاشتي و ديموكراسي و كۆنگرەي كۆمەڵگاي ديموكراتيك سەرداني وڵاته يەكگرتووەكاني ئەمريكايان كردووە.
رۆژي سێ شەممه، شاندەكە  له‌گه‌ڵ پيهليپ گۆڕدون، جێگري وه‌زيري ده‌ره‌وه‌ي ئەمريكا و به‌رپرسي دۆسيه‌ي ئه‌وروپا و ئه‌ڤڕاسيا كۆبوونەوە.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۴۷ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع:

داخراني كارخانەكان و رێژەي بێكاري، ئابووريي ئێراني شكست پێ هێناوە!

ئاگري باڵه‌كيچەمكي ئابووري لە حكوومەتي كۆماري ئيسلامي ئێران‌دا، چەمكێكە كە بە دەسەڵات و هێزي نيزامي‌يەوە بەستراوەتەوە، بۆيە كاتێك كە باس لە ئابووري و سەروەري ئابووري دەكرێ لە ئێران‌دا تەواو ماناكەي دەگۆرێ.
حكوومەتي حەسەن روحاني لە ٣ ساڵي رابردوود‌دا، ٢ بەرنامەي ئابووري لە راستاي چوونە دەري ئيران لە راوه‌ستاويي ئابووري جێ‌بەجێ كردوە، بەو شێوەيە كە بەرپرساني ئێران گوتوويانە كە ئەوساڵ نزيك بە ١٧ هەزار ميليارد تمەن بۆ نۆژەنكردنەوەي كارگە و كارخانە داخراو و نيوە‌داخراوەكان ئامادە كراوە.
ئەو بەرنامانەي كە حكوومەتي ئێران دواي گەمارۆ ئابووري‌يەكان جێ‌بەجێ كردوون هيچيان نەيانتوانيوە كە راوه‌ستاويي ئابووريي ئێران لابەرن و بازاري ئێران بەردەوام بەرەو لەنێوچوونە.
داخراني كارخانە و كارگەكان لە ساڵي رابردوو‌دا بەردەوام بوو، بە پێي ئامارەكاني وەزارەتي سەنعەت و مه‌عدەن. نزيك بە ٧ هەزار كارخانەي بچوك و گەورە داخراون. داخراني كارخانە وپرۆژە ئابووري‌يەكان لە ئێران‌دا وايكردووە كە رێژەي بێكاري لە ئێران‌دا زياد بكا. بە پێي ئامارەكان نێونجي بێكاري لە ئێران‌دا لەساڵي ١٣٩٤‌دا له‌‌ 11.5 لە سەده‌وه‌ بۆ 25 له‌سه‌د زيادي كردووه‌.
محەممەد باقري نۆبه‌خت، وتەبێژي حكوومەت لە چاوپێكەوتنێكي‌دا لەگەڵ ئاژانسي “تەسنيم” گوتي كە لە ساڵي ١٣٩٤‌دا ١٠ لە سەدي كارخانەكاني ئێران راوەستاون. لە درێژە‌دا گوتي كە لە ٦٧ هەزار ناوەندي ئابووريي گەورە و بچوك ، ٧ هەزاريان راوەستاون. هەڵبەتە دواي ئەو لێداونەي نۆبه‌خت ، وەزيري سەنعەت و مه‌عدەن گوتي كە تەنها ١٤ هەزار ناوەندي بچوكي ئابووري راوەستاون كە كاريگه‌ر‌ييان لە سەر بازار نابێ. هەرچەندە بەرپرساني حكوومەت دەلێن كە له‌ ساڵي رابردوو‌دا وەزعييەتي ئابووريي ئێران باش بووە بەڵام ئامارە رەسمي‌يەكاني بانكي ناوەنديي ئێران باس لەوە دەكەن كە كەساسي لە ئابووريي ئيران‌دا بەشێوەيەك بووە كە گەشەي ئابووري لە ئيران‌دا ٧/% بووە، كە به‌ بەراورد له‌گه‌ڵ وڵاتاني جيهان، ئێران لە پلەي ١٠٥‌دا جێ دەگرێ.
لە ئەنجامي داخران و سەرنەكەوتني كارخانە و پرۆژە ئابووري‌يەكان لە ئێران‌دا رێژەي بێكاري رۆژ لەگەڵ رۆژ دەچێتە سەرێ، بە پێي دوايين ئامارە رەسمي‌يەكان، نێونجي بێكاري لە ئيران‌دا ٢٠% ، بەلام بەپێي ئامارە نارەسمي‌يەكان نێونجي بێكاري لە ئێران‌دا زياتر لە ٢٥%ه‌ كە دەكاتە يەك لەسەر چواري خەڵكي ئێران. واتە لە هەر بنەماڵەيكي ٤ كەسي يەكيان بێكارە، ئەوە لە حالێك‌دايە كە كۆماري ئێسلامي لە بەرنامەكاني گەشەي خۆيدا لەماوەي 37 ساڵي رابردوو‌دا هەوڵي داوە كە رێژەي هه‌ژاري و بێكاري لە ئێران‌دا بشارێتەوە.
ئەو ئامارانەي سه‌ره‌وه‌ باس له‌ نێونجي بێكاري و رێژه‌ي داخراني كارگه‌كان له‌ ئێران‌دا ده‌كه‌ن؛ بەڵام ئەگەر ئاورێك لە رۆژهەڵاتي كوردستان بدەينەوە دەبينين رۆژهەڵاتي كوردستان لە خراپترين دۆخي ئابووري دايە، كۆماري ئيسلامي ئێران بە بيانووي جۆراوجۆر و به‌‌ئەمنييەتي كردني كوردستان، كەمتر هەوڵي داوە كە پرۆژەي ئابووريي گەورە لەوێ بينات بنێ. لە سەرانسەري رۆژهەلاتي كوردستان‌دا ناتوانرێ كارگەيەك يان كارخانەيەك بدۆزيه‌وه‌ كە ژمارەي كرێكارەكاني له‌ ٢٠٠ كەس زياتر بێ، ئەو بەشەش كە بە كارخانەي بچوك ناسراون كاريگه‌ي‌يه‌كي ئه‌وتۆيان لەسەر بازاري كار و ئابووريي رۆژهەڵاتي كوردستان نييه‌. لە دوايين ئاماري ئەمساڵ كە رێكخراوي پيشەسازي و كانگاكان بلاوي كردۆته‌وه‌، لە پارێزگاي كرماشان لە ٤ مانگي ئەمساڵ‌دا ٢٠٦ ناوەندي بچوكي پيشەسازي داخراون كە بۆتە هۆي ئەوەي كە ٣ هەزار بێكار بە ژمارەي بێكارەكاني پارێزگاي كرماشان زياد بكا.
بەپێي ئامارە رەسمي‌يەكاني حكوومەت نيوەي ناوەندە پيشەسازي‌يه‌كاني ئێران داخراون، نيوەكەي تريش بە توانايي كەمتر لە ٧٠ لەسه‌د درێژه‌ به‌ كاري خۆيان ده‌ده‌ن. هەرەوەها كەمتر لە ١٠ لەسەدي ئەو پرۆژانەي كە بەرنامەيان بۆ دانراوە، تەواو بن، لەمساڵ‌دا تەواو ده‌بن، كە ئه‌مه‌ش ده‌گه‌ڕێته‌وه‌ بۆ كه‌ميي سه‌رچاوه‌ي ماڵي و بايه‌خ نه‌داني حكوومەت بەو پرۆژە و ناوەندانە، كە بەشي زۆري ئەو گوێ‌نەدانەي حكوومەت وەبەر ناوچەكاني وەك كوردستان و بلووچستان دەكەوێ.
ىەڵام ئايا كێشەي داخراني ناوەندە سەنعەتي و كارخانەكان چيە؟ لە ساڵێك‌دا كە ئايەتوڵڵا خامنەيي بە ساڵي ئابووريي خۆڕاگري(اقتصاد مقاومتي) ناودێري كردووە، خەريكە بەشێكي زۆر لە ناوەندە ئابووري‌يەكاني ئێران دادەخرێن. ئەگەر لە هۆكاري سەرەكيي داخراني ناوەندە سەنعەتي و تەواو نەكردني پرۆژەكان بكۆڵينەوە دەبينين كه‌ به‌شێكي بۆ بەرێوەبەرەكان دەگەرێتەوە كە لە سەر بەرنامەيەكي دياري‌كراو و لە پێشدا رێكخراو، كارخانەكانيان بەرەو داخران دەبه‌ن. هێزي كرێكاري و ئۆپۆزيسيۆن بەو ئەندازەيە نييه‌ كە پێش به‌ داخراني كارخانە و ناوەندە پيشەسازي‌يەكان بگرێ. لە لايه‌كي ديكه‌ له‌ سه‌ره‌وه‌ بووني “نرخي سودي بانكي” و ئه‌وه‌ي‌كه‌ كاري به‌رهه‌مهێنان له‌ ئێران‌دا قازانجي له‌چاو كاره‌ غه‌يره‌ به‌رهه‌مهێنه‌ره‌كان‌دا كه‌متره‌، هۆكارێكي سه‌ره‌كيي داخراني يه‌كه‌ به‌رهه‌مهێنه‌ره‌كانه‌.
له‌ سه‌ره‌تاي هاتنه‌ سه‌ركاري‌ كۆماري ئيسلامي‌يه‌وه‌ هه‌ندێك خوێندنه‌وه‌ي سه‌قه‌ت بۆ ئابووري هاتنه‌ئارا. لە لايەكي ديكه‌ به‌ هۆكاري جۆراوجۆر ئێران تا هه‌نووكه‌ش ئه‌منييه‌تي پێويستي بۆ سه‌رمايه‌گوزاري(ي تايبه‌تي) نييه‌. هەرەوەها كۆماري ئيسلامي ئێران بەوە نەوەستا بەڵكوو زۆر جار له‌ پێشكه‌ش كردني ئاماري راست و دروست له‌ مه‌ڕ رێژه‌ي گه‌شه‌ي ئابووري و رێژه‌ي بێكاري خۆي بواردووه‌. حكوومەت بە پێشگرتن لە هێناني تەكنۆلۆژيي نوێ و سەرمايەگوزاريي ده‌ره‌كي، هەوڵي‌ دا كە دەسەڵاتي خۆي لە ئێران‌دا بچەسپێنێ ئەمه‌ش له‌ سێبه‌ري فرۆشتني نه‌وتي خاو‌دا و، داهاتێك كه‌ له‌م رێگه‌وه‌ به‌ ده‌ستي دێنێ. ئابووريي ئێران له‌ قۆناغ‌گه‌لێك‌دا كه‌ نرخي نه‌وت له‌ سه‌رێ بووه‌، تووشي نه‌خۆشيي “هوله‌نديي ئابووري” بووه‌ و به‌م چه‌شنه‌ هه‌م پشتي به‌رهه‌مهێناني نێوخۆيي چه‌ماوه‌ته‌وه‌ و هه‌م بازاري ئێران بۆته‌ شوێني ساغ كردنه‌وه‌ي كاڵاي ده‌ره‌كي.
لە كۆتايي‌دا ئەگەر چاو لە راپۆرتي ناوەندي لۆگاتۆم بكرێ دەبينن كە وەزعييه‌تي ئابووريي ئێران چەندە خراپ و بێ‌توانايە. هەرچەندە دەسەڵاتداراني ئێران دەيانگوت دواي لاچووني گەمارۆكان وەزعييەت باشتر دەبێ بەڵام تا ئێستا ناوه‌نده‌ ماڵي و بانكه‌ گه‌وره‌كاني دنيا له‌به‌ر نه‌بووني متمانه‌ي پێويست، له‌ دروست كردن(ه‌وه‌ي) پێوه‌ندي له‌گه‌ڵ بانكه‌كاني ئێران خۆده‌بوێرن.
به‌ پێي راپۆرتي ناوەندي لۆگاتۆم ئێران لە بواري ئابووري‌دا ساڵي ٢٠١٥، پلەي ١٠٥ي لەنێو ١٤٢ وڵاتي جيهان‌دا بووە، ئەوە لە حالێك‌دايە كە لە ساڵەكاني ٢٠١٣ و ٢٠١٢دا پلەي ٩١ و ٧٠ي هەبووە، بە وردبوونەوەيەك لەو داتايانە دەردەكەوێ كە كۆماري ئيسلامي ئێران ساڵ بە ساڵ لە بواري ئابووري‌دا بێ‌تواناتر بووە و لە كاتێك‌دا ئيران لە ساڵي ٢٠١٢دا پلەي ٧٠ي هەبووە، لە ساڵي ٢٠١٥دا، ٣٥ پلە دابەزيوە و بۆتە ١٠٥، كە ئەمە بۆ وڵاتێك كە تێي‌دا رێژەي بێكاري ٢٥% ە و حەشيمەتەكەي لە ٨٠ ميليۆن كەس نزيك دەبێتەوە گيروگرفتێكي گەورەيە و، كارەساتێكي ئابووري چاوەڕێي دەكا.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۳۳ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع:

بۆ يادي 27 ساڵه‌ي تێرۆري د. قاسملوو

دو‌كتور قاسملوو ئه‌و مرۆڤه‌ ئازاديخوازه‌و تێكۆشه‌ره‌ي كورد له‌ ته‌مه‌ني لاوەتيه‌وه‌‌ ئاوێتەي سياسه‌ت ده‌بێ و يه‌كه‌م ويستگه‌ي ژياني سياسي له‌ نێو حيزبي توودە ده‌ست پێ‌ده‌كات. ئه‌و ئاوێته‌بوونه‌ي قاسملوو به‌ سياسه‌ت گەر به‌ هۆي بارودۆخي ئه‌و كاتي ئيران بێت (يا) به‌ هۆي پێكهاته‌ي بنه‌ماڵه‌كه‌يه‌وه‌( يا) خود به‌ هۆي خوێندن له‌ قوتابخانه‌ و هاوپيوه‌ندي له‌ گه‌ل هاوپۆله‌ ئازه‌ريه‌كاني بێت، سه‌رچاوه‌ي له‌ ده‌رك و شعوري ئه‌و ئينسانە گرتوو‌ە وەگه‌ڕكه‌وتني ژياني سياسيي ناوبراو تا كاتي شه‌هيدبووني ناوه‌ستێت.

كاك دوكتور باش ئاشنابووني به‌ سياسه‌ته‌كاني حيزبي دێموكراتي كوردستان و به‌ په‌يوه‌ندي‌كردن به‌ تێكوشه‌راني سياسي ئه‌و سه‌رده‌مي حيزب، ويستگه‌ي ژياني سياسي دێنێته‌وه‌ نێو بزاڤي ميللي دێموكراتيكي رۆژهه‌ڵاتي كوردستان به‌ رێبه‌رايه‌تي حيزبي دێموكراتي كوردستان و هه‌ر زۆر زوو به‌ هۆي هه‌ڵسووڕان و تێكۆشاني ده‌بێت به‌ ئه‌ندامي چالاك و هەڵسووڕو ديار له‌ نێو حيزب‌دا.

دوكتور قاسملوو ئينسانێكي بيرتيژ و ستراتيژزانێكي به‌هێز بوو بۆ ئه‌و سه‌رده‌مي كه‌ سه‌رو %90 خه‌ڵك نه‌خۆێنده‌وار بوون، خه‌ڵك به‌ گشتي وه‌رزێر بوو، سيستمي عه‌شيره‌يي هه‌بوو ئاغا و دەرەبه‌گ رۆڵي ئه‌ساسيان ده‌گێڕا، له‌م بارودۆخه‌ سه‌قه‌ته‌دا پرسياري زۆري له‌ مێشكي دا موتوربە ده‌بن كه‌ بێ وه‌ڵامن. بۆيه‌ ده‌ست به‌ خۆيندنەوەي سۆسيۆلۆژي، ئابووري، سياسي كۆمه‌ڵگاكه‌ي ده‌كات و له‌ كۆتايدا به‌و قه‌ناعه‌ته‌ ده‌گات كه‌ هۆكاري هه‌ر هه‌موو ئه‌م نه‌هامه‌تيانه‌ سيستمي به‌رێوبه‌ري وڵاته‌(پاشايەتي).

كاك دوكتور ئيسانێكي زمانزان، سياسه‌تڤان، ديپلۆماتكارێكي باشي سه‌رده‌مي خۆي بوو. به‌ تايبه‌ت له‌ نێو جوڵانه‌وه‌كاني سه‌رده‌مي خۆي به‌ سه‌ركرده‌يەكي خاوه‌ن بڕياري واقعبينانه‌ ده‌ناسرا. پاش گيران و ئاشكرا بووني تێكۆشه‌راني حدك له‌ سه‌رده‌مي پاشايەتي‌داو، هه‌ڵوه‌شا‌ني رێكخسته‌كاني حيزب و به‌ نهيني كاركردني ئه‌و ئه‌ندامانه‌ي مابوونه‌وه،‌ كاك دوكتور له‌سه‌ر بڕياري بنه‌ماڵه‌كه‌ي‌ ده‌نێردرێتە ده‌روه‌ي وڵات بۆ درێژه‌پێدان به‌ خۆێندن، به‌ڵام له‌وێيش له‌ تێكۆشان ناوه‌ستێت؛ كتێبي بيرمه‌نداني وه‌ك لاك، هابز، مۆنتسكيۆ و زۆري‌تر ده‌خوێنێته‌وه و ده‌رسيان لێ وه‌رده‌گرێت تاكو بتوانێ له‌و ئاراسته فكريه‌ي ئه‌وان پێشكه‌شيان كردوە ژيانێكي نۆي بۆ نه‌ته‌وه‌كه‌ي به‌رهه‌م بێنێت. پاش وەرگرتني دوكتۆراكه‌ي، ده‌ست ده‌كات به‌ وانه‌ وتنه‌وه‌‌ي له‌ زانكۆكاني ئورووپاو له‌و سه‌رده‌مەدا‌ كتێبه‌ به‌ناوبانگه‌كه‌ي”كوردستان و كورد” دەنووسێت. مانه‌وه‌و وانه‌گوتنه‌وه‌ي له‌ زانكۆكاني ئورووپاو خۆپێگه‌ياندني له‌ بواري هزري رۆشنبيري‌يه‌وه‌ پۆخته‌تري ده‌كات بۆ بوون به‌ قاره‌مانێكي وه‌ك نێلسۆن ماندێلا و مهاتما گاندي و چێگوارا له‌ پێناو نه‌ته‌وه‌كه‌ي دا.

تا ئه‌و كاته‌ي شۆڕشي گه‌لاني ئيران دژي رێژيمي حه‌مه‌ره‌زا شاه ده‌ست پێ ده‌كا و كاك دوكتور به‌ په‌له‌ خۆي ده‌گه‌يەنێته‌وه‌ ناو بازنه‌ نهێني‌يه‌كاني حيزبي دێموكرات تاكو تاكتيك و ستراتيژيكي باش و واقعبينانە بۆ  بزووتنەوەي خەڵكي كوردستان دابڕێژن و گه‌لي كورديش به‌ مافە رەواكاني بگات. بۆيه‌ هه‌ر زۆر زوو شۆعاري”دێموكراسي بۆ ئێران و خودموختاري بۆ كوردستان” ي هه‌ڵگرت. چوون كاك دوكتور باش ده‌يزاني تاكوو ئيران وڵاتێكي دێموكراتيك نه‌بێ، خود موختاري له‌ كوردستان پياده‌ ناكرێت، بۆيه‌ پاش رووخاني رێژيمي پادشايه‌تي له‌ كاتي دانووستاندن داوا ره‌واكاني گه‌لي كورديان بۆ ده‌خاته‌ روو،به‌ڵام بەڕێوەبەراني رێژيمي تازە بە دەسەڵات گەيشتوو تا ئه‌و كاته‌ي ئاشيان به‌ باشي نه‌ده‌گه‌ڕا، دژايه‌تيان له‌ دژي مافه‌راوه‌كاني گه‌لي كورد ده‌رنه‌بڕي و بۆ كات‌به‌فيڕۆدان و كات‌كڕين هه‌نگاوبه‌هه‌نگاو له‌ گه‌ڵ داخوازييه‌كاني كورد به‌ بێ ئه‌وه‌ي باوه‌ڕيان پێي هه‌بێ ده‌ڕۆشتنه‌ پێش.

كورد و حيزبي ديموكرات باوه‌ڕيان به‌ خه‌باتي ئاشتيخوازانه‌ له‌ نێو خۆي ئيران‌دا هه‌بووه‌ و تا ئێستايش هه‌ێه‌، بۆيه‌ له‌ يه‌كه‌م هه‌لبژاردني مه‌جليسي خوبره‌كان د. قاسملوو خۆي پاڵاوت، ده‌نگي پێويستي هێنا به‌ڵام كاتێك له‌ پيلانگێڕيه‌كه‌ي خومه‌يني و رێژيمه‌كه‌ي تێگه‌يشت و نه‌چوو، خوميني (پياوي ناخ ره‌ش و دڵ پر له‌ قينه‌كه‌ي دژي كورد) سه‌باره‌ت به‌ دوكتور قاسملوو ده‌لێت: “اي كاش مي‌آمد”. ئه‌م وته‌ قيزه‌ونه‌، سه‌رچاوه‌ي گرتوو‌ له‌ ناسيني باشي كاك دوكتور لاي خومه‌يني گه‌ياند، چوون باش ده‌يزاني قاسملوو بير و باوه‌ڕه‌كه‌ي له‌ گه‌ڵ جه‌هل و خورافات و‌ ديكتارويه‌تي خومه‌يني هه‌ڵناكات. به‌و هه‌ره‌شه‌يش گه‌لي كورد حيزبي دێموكرات و رێبه‌ري شه‌هيدمان وازي له‌ خه‌باتي ئاشتيخوازانه ‌نه‌هێنا و سه‌ر له‌ نۆي به‌شداري هه‌لبژاردنه‌كاني مه‌جليسي نوينه‌ران كردو له‌ كوردستان هه‌موو به‌ربژێره‌كاني بزاڤي نه‌ته‌وه‌يي كورد بۆ مجليس له‌ لايه‌ن خه‌ڵكه‌وه‌ ده‌نگي متمانه‌يان پێ درا. به‌ڵام حكومه‌تي كۆماري ئيسلامي له‌ جياتي پياده‌كردني بنه‌ماكاني دێموكراسي له‌ ئێراندا هه‌ر زوو بڕياري شه‌ڕي دژي كورد و به‌تايبه‌تي حيزبي دێموكرات و دوكتور قاسملوو دا. بۆيه‌ حيزبي دێموكرات و دوكتور قاسملوو مه‌جبوور به‌ شه‌ڕ له‌ گه‌ڵ حكومه‌ت بوون،  شه‌ڕێك كه‌ به‌ سه‌ر ميلله‌تي كوردسو حئيزبي دێموكرات دا سه‌پێندرا.

دوكتور قاسملوو پاش كۆنفڕانسي سێهه‌م و له‌ كۆنگره‌ي سێهه‌م دا كه‌ وه‌ك سكرتێري گشتيي حيزبي دێموكراتي كوردستان هه‌ڵبژێردرا، خه‌باتي دژ به‌ رێژيمي پاشايه‌تي و  دواي شۆرشي گه‌لاني ئێرانيش دژ به‌ ده‌سه‌ڵاتي سه‌ررۆي كۆماري ئيسلامي ئێران دريژه‌ پێدا. شه‌هيد دوكتور قاسملوو هاوكات له‌ گه‌ڵ‌ رێبه‌رايه‌تي كردني جووڵانه‌وه‌يه‌كي چه‌كداري ، ديپلۆماتكارێكي به‌توانا و لێزان بوو. ئه‌و كاته‌ي كه‌ له‌ گه‌رمه‌ي شه‌ڕي چه‌كداري دا بوو، ديسانيش پێي وابوو ئاشتي و مافه‌ره‌واكاني خه‌ڵكي كوردستان له‌ لووله‌ي تفه‌نگ‌دا به‌دي نايه‌ت. بۆيه‌ له‌ يه‌كێك له‌ ڤيديۆكاني دا كه‌ بۆ پۆليك له‌ پيشمه‌رگه‌كان قسه‌ ده‌كات ده‌لێت: “ئيمه‌ باش ده‌زانين كۆماري ئيسلامي به‌ هێرشه‌كاني ئێمه‌ ناروخێت، به‌ڵام ئه‌وه‌نده‌ي سه‌رئێشه‌ بۆ درووست ده‌كه‌ين تاكوو ده‌ڵێت چيتان ده‌وێت؟ ئه‌وكات ئێمه‌ش له‌ سه‌ر مێزي وتووێژ باسي مافه‌ زه‌وتكراوه‌كاني خۆمانيان له‌گه‌ڵ ده‌كه‌ين.” ليره‌دا جورێك له‌ فه‌لسه‌فه‌ي دانووستاندن دێنێته‌ نێو شێوازه‌كاني خه‌بات.

كاك دوكتور شورشگێڕێكي نه‌ته‌يي و عه‌داڵه‌تخوازێكي واقعي بوو. بۆيه‌ له‌ رێبه‌رايه‌تي حيزبێكي نه‌ته‌وه‌يي وه‌ك حيزبي دێموكراتي ده‌كرد. عه‌داله‌تخواز بوو بۆيه‌ باسي سۆسياليزمي ديمۆكراتيكي هينايه‌ نيو ‌پێره‌و و پرۆگرامي حيزبه‌كه‌يه‌وه‌. ئه‌و كاته‌ي هه‌موو ئۆپۆزيسيوني كوردو ئێراني هه‌ر جاره‌و به‌لايه‌ك‌دا  ده‌يانشكانده‌وه‌: (يا به‌ره‌و ئيمپراليزم يا به‌ره‌و سۆسياليزم) به‌ڵام به‌ بۆچووني من تێكه‌ڵكردني جيهانبيني و خوێندنه‌وه‌و فكري حيزبي دێموكرات و رێبه‌ره‌كه‌ي له‌ گه‌ڵ هه‌ركام له‌م دوو به‌ره‌يه‌ هه‌ڵه‌يه‌. شه‌هيد قاسملوو پێي وا بوو ئه‌و دونيايه‌ي سۆسياليزم داواي ده‌كات (يوتوپايه‌)، يا وه‌ك ئه‌رستوو ده‌ڵێ: (مه‌دينه‌ي فازله‌)يه‌. كاك دوكتور پێي وا بوو ئاويته‌بووني هه‌ر حيزبێك به‌ ئايدۆلوژيه‌كه‌وه‌ ئه‌و حيزبه‌ له‌ قالب ده‌داو تووشي جۆرێك له‌ داخراوي فكريي ده‌كات. بۆيه‌ خۆي له‌ هه‌ر ئايدئۆلۆژييه‌ك بۆ حيزبه‌كه‌ي ده‌پاراست و سياسه‌تي به‌ پێي “ئه‌مري واقيع” ده‌كرد.

كاك دوكتور باوه‌ڕي به‌ جودايي دين له‌ ده‌وڵه‌ت هه‌بوو. بۆيه‌ له‌ حيزبه‌كه‌شي‌دا هه‌م پێشمه‌رگه‌ي سوفي تێدابوو هه‌م خه‌ڵكي لاييه‌ك و باوه‌ڕمه‌ند به‌ ئايين و ئاينزاكاني ديكه‌. هه‌مووشياني له‌ ژێر‌ چه‌تري حيزبي دێموكراتي كوردستان دا پێكه‌وه‌ كۆ كردبۆوه‌. له‌ روانگه‌ي ئازدي تاكي‌شه‌وه(فردي) مرۆڤێكي ليبراڵ بوو، باوه‌ڕي بو ئازادي تاكه‌كان هه‌بوو، تا ئه‌و ئاسته‌ي سنووري ئازاديه‌كاني لايه‌ني به‌رامبه‌ر پيشل نه‌كرێ. بۆيه‌ ده‌توانيين بڵێين له‌ ژياني تايبه‌تي خۆشي‌دا مرۆڤيكي فره‌ره‌هه‌ند بووه‌.

كاك دوكتور قاسملوو له‌ بۆ ده‌سته‌به‌ كردني مافه‌كاني  گه‌لي كورد، درگاي هه‌موو ده‌وڵه‌تان،NGO، رێكخراوه‌ نێو ده‌وڵه‌تييه‌كاني ده‌كوتا. يه‌كێك له‌و رێكخراوه‌ نێوده‌وڵه‌تيانه‌، ئه‌نترناسيوناڵ سۆسياليست بوو. پێي وابوو ده‌بێ له‌ رێگاي ئه‌و هێزه‌ دێموكرات و پێشكه‌وتنخوازانه‌ي كه له‌ نێو ئه‌م رێكخراوه‌دا فشار بخاته‌ سه‌ر حكومه‌ته‌كانيان بۆ به‌ ره‌سمي ناساندني مافه‌ ره‌واكاني ميلله‌ته‌كه‌ي و هاوكات فشار بخه‌نه‌ سه‌ر حكومه‌تي كۆماري ئيسلامي بۆ به‌ره‌سمي ناسيني مافي كورد.

يه‌كێكي تر له‌ تايبه‌تمه‌ندييه‌ به‌رچاوه‌كاني كه‌سيي و حيزبيي كاك دوكتور”سه‌ربه‌خۆيي سياسي”بوو. نمونه‌ي هه‌ره‌ به‌ر چاو له‌م پێوه‌ندييه‌دا پێوندي حيزبي دێموكرات و كاك دوكتور له‌ گه‌ل رێژيمي به‌عسي عێراق بوو. له‌ سه‌رده‌مي خه‌باتي چه‌كداري حيزبي دێموكراتي كوردستان له‌ گه‌ل كۆماري ئيسلامي كه‌ هاوكات بوون له‌ گه‌ڵ شه‌ڕي نێوان عێراق و ئێران. به‌ڵام حيزب و دوكتور قاسملوو سه‌ره‌راي ئه‌و په‌يوه‌ندييه‌‌ هيچكات نه‌بوونه‌ ئامرازێك بۆ رێژيمي عيراق كه‌ به‌ نيسبه‌ت شه‌ڕ له‌ گه‌ڵ رێژيمي كۆماري ئيسلامي دا له‌ يه‌ك به‌ره‌ دابوون (بووني دوژمني هاوبه‌ش).

له‌ لايه‌كي تريشه‌وه‌ شه‌هيد دوكتور قاسملوو هيچكات باوه‌ڕي به‌ ديكتاتوريه‌تي حيزبي نه‌بووه.‌ بۆيه‌‌ باشترين هه‌وڵه‌كاني بۆ درووست كردني به‌ره‌يه‌ك له‌ گه‌ڵ هێزه‌كاني دژبه‌ري كۆماري ئيسلامي ئێران بوو. كه‌ بۆ جاري يه‌كه‌م تواني به‌ره‌يه‌ك ويران موجاهيدين خه‌لق و چه‌ند هێزيكي تر دژي

رژيمي ئيران درووست بكات، به‌ڵام مه‌خابن به‌رژه‌وندي ته‌سكي حيزبي و هێژموونيخوازيي لايه‌نێكي ديار و، جياوازي له‌ ديد و بۆچوون بۆ خه‌باتي ئيستا و چۆنييه‌تي ئيداره‌كردني داهاتووي ئێران واي كرد(به‌ره‌)له‌به‌ر يه‌ك هه‌ڵوه‌شێته‌وه‌.

كۆماري تێرۆر و سێداره‌ي ئيسلامي ئێران وايزاني به‌ تيروري كاك دوكتور قاسملوو يادو رێبازه‌كه‌ي فه‌راموش له‌ نێو ده‌چێ و فه‌رامۆش ده‌كرێن و خۆي و حيزبه‌كه‌ي له‌ يادي تێكۆشه‌راني شۆرشگێڕ و قوتابياني بيرو رێبازي ده‌چنه‌وه.‌ به‌ڵام به‌ خۆێندنه‌وه‌ي ئه‌مڕۆي حيزب و گه‌له‌كه‌ي ده‌بێ باش بزانێت كوره‌ي خه‌بات دژي زوڵم و ديكتاتۆريه‌ت له‌ هه‌ر كات به‌ تينتره‌، قه‌لاي جه‌هل و خورافه‌يان له‌ هه‌موو كات زياتر له‌رزۆكتره‌ و هه‌ر دلۆپه‌ خۆێنێكي كاك دوكتور ئێستا مه‌شخه‌ڵي رێگاي تێكۆشانمانه‌.

له‌ كۆتايي‌دا به‌ بير و باوه‌ڕێكي چه‌سپاو و به‌ وه‌ره‌ي پوڵايين به شه‌هيد كاك دوكتور قاسملوو ده‌ڵێين: كاك دوكتور گيان! تا به‌ ده‌ستي پڕ له‌ ئازادي  له‌ سه‌ر گۆڕي تۆي رێبه‌رمان و هه‌موو شه‌هيدان گوڵه‌ شلێره‌ نه‌ڕوێنين، له‌ خه‌بات و تێكۆشان ناوه‌ستين. بڕياريش بێت له‌ سه‌ر وه‌سيه‌تي خۆت: بۆ شه‌هيده‌كانمان نه‌گرين و درێژه‌ به‌ رێگاو رێبازيان بده‌ين. هه‌ور وه‌ك خۆت فه‌رمووت: “باشترين پاداش بۆ شه‌هيدان درێژه‌پێداني رێگايانه‌” و وه‌ك به‌ڕێز مامۆستا عه‌بدوڵڵا حه‌سه‌نزاده‌ ده‌فه‌رمووي: ” كاك دوكتور قاسملوو گيان تۆ له‌ وێژدانمان دا زيندووي”.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۳۲ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع:

هەڕەشەي تيرۆر و كوشتار، وێكچوويي لەگەڵ ناوەڕۆكي ڕێژيمي ئێران، جەماڵ ڕەسوڵ دنخه


پێناسەي ڕێژيمي ئيسلاميي ئێران لە چوارچێوەي هيچ چەمك و دەستەواژەيەكي سياسيدا بە واتاي حكوومەت خۆ نابينێتەوە و ئەوە دەكەوێتە دەست و مێشكي هەر كەسێك

كە تەنيا دەسەڵاتێكي تەواو ميليشايي لە جوگرافيايەكي دياريكراودا بە ناوي "ئێران" و ئاڵايەك بە شوناسي "عەرەبي"ييەوە كە ئەويش خۆي لە هەر بوارێكدا قسە و باسي خۆي لەسەرە، خۆ دەردەخات و ئاشكرا دەبێت.

لە ماوەي نزيك بە سێ دەيە لە دەسەڵاتداريي "كۆماري ئيسلاميي ئێران" كە هيچ واتايەكي نيە جگە لە تيرۆر و كوشتن، بەرپرساني ئەو ڕێژيمە يەك لە دواي يەك لە هەموو كۆڕ و كۆبوونەوەيەكي خۆياندا لە هەر ئاستێكي سياسي‌دا، تەنيا باس لە وێران كردن و سڕينەوەي دوژمناني دەرەوە دەكەن كە ئەويش پێناسەي بۆ نەكراوە، كامەيە دوژمن و لەبەرچي دۆژمنايەتي؟. لە دەسەڵاتي ئێستاي ڕێژيمي ئێراندا، ئەوەي كە جڵەوي دەسەڵاتداريي لەدەستە، گرووپێك يان باشتر وايە بگوترێت تاقمێكي دياريكراون كە لە بازنەيەكي تەواو داخراو و ئەمنييەتي‌دا كار دەكەن و لە ڕەوتي كارەكاندا تەنيا مۆرەكاني جێگۆڕكێيان پێ دەكرێت و هيچي‌تر. ئەوگرووپە يا تاقمە لە ئێران گرووپێكي تەواو سەربازي و سەكوتكەرە كە بۆ ڕاگرتني دەسەڵاتەكەي خۆي لە هيچ كارێك ناپرينگێتەوە و ئەوەي لە بەرژەوەندي و قازانجي خۆيدا بێت ئەنجامي دەدات، ئەوەش ناوي "سپاي پاسداراني ئێران"ـە كە لە نێو هەموو وڵاتاني جيهاندا بە ئاژاوەچي، شەڕئەنگێزي، تيرۆزيزمي نێودەوڵەتي و پشتيواني لە گرووپە توندڕەوەكان و دەستێوەردان لە كاروباري وڵاتاني ناوچەكەدا دەناسرێتەوە. سپاي پاسدراني ئێران، هێزێكي نيزامي و خوێنڕێژە كە بە كەڵك وەرگرتن لە هێز و كەرەستەي نيزامي، بە زۆر و كوشت‌وبڕ خۆي لە جوگرافياي ئێراندا بەسەر هەموو نەتەوەكاني ئێراندا سەپاندووە و هيچ جۆرە ئوسوول و ياسايەكي لە بواري ئاسايش و گوزەران و مافي نەتەوەكاني ئێراندا قبووڵ نيە و باسكردن لە ماف و ئازادي بە هاوردەي ئيستكبار و ڕۆژئاوا دەزانێت و كەسانێك يا ئەو نەتەوانەي نێو ئێران باس لە هەر مافێكي ميللي، ئاييني و ڕەگەزي بكەن، بە توندترين شێوە سەركوتيان دەكات.

سپاي پاسداراني ڕێژيمي ئێسلاميي ئێران، ساڵي ١٣٥٩ لەسەر بڕياري خومەيني بەشێوەي "جيهادي" دامەزرا و تا ئێستا خۆي بە نوێنەر و جێبەجێكەري بڕيارەكاني خومەيني دەزانێت و لە كاروباري خۆيدا چەند قسەي خومەيني كردووەتە سەردێڕي كارەكاني و لە ڕوانگەي ئەو هێزە ميليشاييەي سپاي پاسدارانەوە، هەر كەسێك يان لايەنێك ڕووي لە سياسەتەكاني ئێران وەرسووڕێنێت، تيرۆريست و سەهيۆنيستە، تەنانەت ئەگەر ئەو كەس يان لايەنە پێشتر هاوكاري بە ئەمەگي ئەو ڕێژيمە بووبێتن.

سپاي پاسداران ئەگەر زۆر بە ساكاري و ئاساني هەڕەشەي لەناوبردن و كوشت‌وبڕ و شەڕ دەكات، زۆر ئاساييە و ئەوەش بۆ چەند هۆكار دەگەڕێتەوە كە هەر لە سەرەتاوە ئەو ڕێژيمە بەمجۆرە هەڵسوكەوتي كردووە و هيچ بۆي گرينگ نەبووە.

يەكەم هۆكار بۆ لابردني توندتيژي لە ئەدەبياتي خومەيني‌دا دەگەڕێتەوە، خومەيني ئەدەبياتي توندوتيژ، گوتاري پڕ لە شەڕ و هەڕەشە و لەناوبردني هەموو ڕوانگە جياوازەكاني بەكار هێنا و بۆ شەڕ دژي جيابيران و هەموو ئازاديخوازن، خۆي لە ناو ئاييني شيعه و ديني ئيسلامدا وەك نوێنەري خودا لە سەر زەوي دياري كرد و بە كەيفي دڵي خۆي و لە ڕووي ڕوانگەي شەڕئەنگێزي و ئاژاوەچييەتي و جينايەتكارانەدا شرۆڤەي ديني و ياساكاني ديني دەكرد و خەڵك و نەتەوەكاني ئێراني كوشتوبڕ دەكرد.

بەشێكي ديكە كە بەرپرساني ڕێژيمي ئێران لە هەموو دام و دەزگا ئەمنيەتي و نيزامييەكاني خۆيان بە ساكاري و ڕاشكاوانە هەڕەشەي سەربازي لە خەڵكي خۆيان و هەموو وڵاتاني جيهان دەكەن، بۆ پێوەنديي چڕ و پڕي ئەو ڕێژيمە لەگەڵ گرووپە توندڕەوكان وەك "جەماعەتي ئيسلامي لە ميسر، ڕێكخراوي تيرۆريستيي ئەلقاعيدە، داعش و حيزبوڵڵاي لوبنان، حوسييەكاني يەمەن" و هەموو ئەو تاقم و لايەنە توندڕەوانە لە جيهان و بەتايبەت وڵاتاني دراوسێ دەگەڕێتەوە.

ئەوەي كە ڕوونە و ناوەرۆك و فەلسەفەي بووني ڕێژيمي ئيسلاميي ئێران دەردەخات و سەرجەم بەرپرساني ئەو ڕێژيمە بە هەموو هێز و تواناوە درێژە بە سياسەتي كوشتار و تيرۆر لە نێوخۆ و دەرەوەي وڵاتاني ديكەدا دەدەن، سەلمێنەري ئەوەيە كە ئەو ڕێژيمە بە هيچ ياسايەكي نێودەوڵەتي و تەنانەت ياساي داڕێژراوي خۆيان پابەند نين.

ئەو ڕێژيمە تەنيا وڵاتێكە لە جيهاندا كە سيستمێكي كاري و ئيداري بۆ خۆي داڕشتووە و پێڕەوي لێ دەكات كە هێزێكي لە تيرۆريستاني فيرقەگەرا و ميليشايي چەكدار پێكهێناوە و گەورەترين جينايەتەكاني لەژێر ناوي وەك پشتيواني لە هەژاراني جيهان، هەناردەكردني شۆڕش كە بيرۆكەي چەوت و دزێوي خومەينە، ئەنجام دەدات، بەرپرساني ئەو ڕێژيمە لەو باوەڕەدان كە ئەنجام‌داني ئەو كار و ئەو كردەوە جينايەتكارانە لە ئيمامي زەمانيان نزيكتر دەكاتەوە.

لە دوايين هەڕەشەكاني ڕێژيمي ئێران بۆ لە ناوبردني كوردستان و تۆپبارانكردني هەرێمي كوردستان و هەروەها لە نێوبردني وڵاتي ئيسراييل، لێدوانێكي تيرۆريستانە بوو كە هەر كام لە بەرپرساني ئەو ڕێژيمە باسيان لێ دەكرد و لە دواي بەرپەرچدانەوەي يەكدەنگي گەلي كورد لەهەمبەر ئەو لێدوانانەي بەرپرساني ڕێژيمي ئێران، بەرپرساني نيزامي و ئەمنييەتي ئەو ڕێژيمە، ئاسانتر لەوە بە چۆكدا هاتن كە تەنانەت خۆشيان باوڕيان بێت. ئەوەش بۆ ئەوە دەگەڕێتەوە كە گەلي كورد و خەڵكي كورد ئەمڕۆ وشيارتر لە سەردەمي پێشوو لە پيلان و كردەوەكاني ڕێژيمي ئێران ئاگادارە و پرسي كورد لە ئاستي جيهاندا ڕۆژەڤي كۆڕ و كۆبوونەوە سياسييەكاني جيهان.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۳۰ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع:

چۆن هزري قاسملوو بكه‌ينه‌ به‌رنامه‌ي كار؟

چۆن هزري قاسملوو بكه‌ينه‌ به‌رنامه‌ي كار؟

مسته‌فا شه‌ڵماشي
له‌ كه‌سمان شاراوه‌ نييه‌ كه‌ شه‌هيدي رێبه‌ر دوكتور عه‌بدولڕه‌حماني قاسملوو كاريگه‌ري‌يه‌كي گه‌وره‌ي له ‌سه‌ر بزاڤي رزگاريخوازيي كورد له‌ هه‌موو كوردستان به‌گشتي و له‌ رۆژهه‌ڵاتي كوردستان به‌تايبه‌تي هه‌بووه‌ و تائێستاش هه‌يه‌. به‌تايبه‌ت له‌ نێو ريزه‌كاني بنه‌ماڵه‌ي گه‌وره‌ي دێموكرات‌دا ئه‌وكاريگه‌ري‌يه زۆر به‌رچاوه‌ و هزري قاسملوو له‌ راستي‌دا به‌ سه‌ر رێڕه‌وي خه‌باتي دێموكراته‌كاني رۆژهه‌ڵاتي كوردستان‌دا زاڵه‌.
ئه‌وه‌نده‌ي په‌يوه‌ندي هه‌بێ به‌ مه‌سه‌له‌ي كورده‌وه‌ به‌گشتي، له‌ نێو رێڕه‌وي خه‌باتي چه‌ندين ساڵه‌ و شێوه‌ي لێكدانه‌وه‌ و سياسه‌تسازي و رێبه‌ري كردني دوكتور قاسملوو‌دا وانه‌ي زۆر گه‌وره‌ هه‌ن كه‌ ده‌كرێ رێبه‌راني كورد له‌ هه‌موو پارچه‌كاني كوردستان‌دا لێيان فێر بن و بيانكه‌نه‌ چراي رووناك‌كه‌ره‌وه‌ي قۆناغه‌ تاريك و به‌رته‌سكه‌كاني خه‌باتي خۆيان بۆ مامه‌ڵه‌ كردن له‌گه‌ڵ ده‌وروبه‌ريان و بۆ زاڵبون به‌سه‌ر پلاني نه‌ياراني كورد‌دا، كه‌ به‌ داخه‌وه‌ هه‌ر چوار ده‌وريان ته‌نيوه‌.
يه‌كێك له‌ ئاسته‌نگه‌كاني به‌رده‌م هه‌موو رێبه‌راني كورد له‌ هه‌ر چوار پارچه‌ي كوردستان ئه‌وه‌يه‌ كه‌ به‌ هۆي دابه‌شكراني كوردستان به ‌سه‌ر چوار وڵاتي ناوچه‌ي پڕكێشه‌ و ئاڵۆزي رۆژهه‌ڵاتي نێوه‌ڕاست‌دا، به‌داخه‌وه‌ له‌ هه‌ريه‌ك له‌و به‌شانه‌ي كوردستان‌دا له‌ خه‌بات‌دا بي، هه‌ر چوار ده‌ورت دوژمني فكري و هزري مه‌سه‌له‌كه‌ي تۆيه‌. هيچ كام له‌و وڵاتانه‌ي كه‌ به‌شێك له‌ كوردستانيان به ‌سه‌ر‌دا دابه‌ش كراوه‌، له‌ راستي‌دا موافقي چاره‌سه‌ري مه‌سه‌له‌ي كورد له‌ هيچ يه‌ك له‌و وڵاتانه‌دا نين. رێژيمه‌كاني حاكم به‌سه‌ر ئه‌و وڵاتانه‌دا له‌ باشترين حاڵه‌ت‌دا به‌ هۆي ركه‌به‌ريي ناوچه‌يي ره‌نگه‌ له‌ قۆناغێك له‌ قۆناغه‌كاني خه‌بات‌دا به‌ قازانجيان بێ به‌ هۆي جووڵانه‌وه‌ي كورده‌وه‌ فشارێك بۆ وڵاته‌كه‌ي دراوسێيان بێنن و له‌ كۆتاييش‌دا مامه‌ڵه‌ي پێوه‌ بكه‌ن. هونه‌ري رێبه‌راني كورد له‌وه ‌دايه‌ كه‌ چۆن بتوانن پارسه‌نگێك بدۆزنه‌وه‌ بۆ ئه‌وه‌ي هه‌م له‌ ناكۆكي نێوان دژبه‌ره‌كانيان كه‌ڵك وه‌رگرن و هه‌م به‌كرده‌وه‌ نه‌چنه‌ ژێر باري داخوازي‌يه‌كاني ئه‌و وڵاتانه‌ كه‌ له‌ كۆتايي‌دا به‌ زياني هه‌موو نه‌ته‌وه‌ي كوردن. دوكتور قاسملوو له‌و په‌يوه‌ندي‌يه‌‌دا فۆرمولێكي زۆر كاري و به‌هێزي ديبۆوه‌. له‌ فۆرمولي دوكتور قاسملوودا فاكته‌ري هێزي كورد بۆخۆي رۆڵێكي گه‌وره‌ي پێدرابوو و له‌ راستي‌دا به‌ده‌ستهێناني ئه‌نجامي هاوكێشه‌ سياسي‌يه‌كه‌ درابوو به‌ هێزي جووڵانه‌وه‌ي كورد. بۆ وێنه‌ سه‌ره‌ڕاي په‌يوه‌ندي حيزبي دێموكرات له‌گه‌ڵ ده‌وڵه‌تي عێراق، هيچ كاتێك دوكتور قاسملوو تاي ته‌رازوي دۆستايه‌تي به‌لاي حكوومه‌تي ئه‌و وڵاته‌‌دا نه‌شكانده‌وه، هه‌ميشه‌ دۆستايه‌تي له‌گه‌ڵ جووڵانه‌وه‌ي كورد له‌ باشوور راگرت و ته‌نانه‌ت يارمه‌تي دا‌ و هيچ كات قبووڵي نه‌كرد كه‌ له‌ رێگاي ئه‌و و حيزبه‌كه‌يه‌وه‌ بچوكترين فشار بۆ جووڵانه‌وه‌ي كورد له‌ باشوور بێ. مه‌سه‌له‌ ئه‌وه ‌نه‌بوو كه‌ داواي لێ‌نه‌كرێ، به‌ڵام وه‌ڵامي ئوسوولي هه‌بوو، ئه‌و هێزي جووڵانه‌وه‌ي كوردي ده‌برده‌ ته‌شكي ئاسمان له‌ به‌رامبه‌ر نه‌ياران‌دا. له‌ كاتي فشارهێنان‌دا ئه‌و مه‌رجي بۆ نه‌ياران دياري ده‌كرد و به‌ ئاشكرا پێي راده‌گه‌ياندن كه‌ ئه‌گه‌ر فشار بێنن خه‌باتي رۆژهه‌ڵات و باشوور لێك‌گرێ ده‌ده‌ن. هاوكێشه‌ي قاسملوو ئه‌وه‌ بوو كه‌ به‌رده‌وام داوا بكا كه‌ مه‌سه‌له‌ي كورد به‌ شێوه‌ي سياسي چاره‌سه‌ر بكه‌ن و ئه‌گه‌ر ئه‌و كاره‌ نه‌كه‌ن، كێشه‌ي خۆيانه‌ و، كوردي رۆژهه‌ڵات ئاماده‌ نييه‌ دژي خوشك و براكاني بوه‌ستێته‌وه‌. ئه‌و سياسه‌ته‌ نه‌ته‌وه‌ييه‌ي به‌ جۆرێك جێگير كردبوو كه‌ له‌ كۆتايي‌دا واي لێهاتبوو به‌ نێو ريزه‌كاني حيزبي دێموكرات‌دا خه‌باتگێڕاني باشوور ده‌هاتن و زه‌ڕبه‌يان له‌ حكوومه‌تي به‌عسي فاشيست ده‌دا و به‌ نێو بنكه‌ و باره‌گاكاني دێموكرات‌دا ده‌گه‌ڕانه‌وه‌، به‌ڵام ده‌وڵه‌تي عێراق هه‌ر باسيشي نه‌ده‌كرد، چونكه‌ وه‌ڵامه‌كه‌ي ده‌زاني.
ده‌رسێكي گه‌وره‌ي ديكه‌ بۆ هه‌موو كورد كه‌ قاسملوو هێنايه‌ به‌رباس، په‌يوه‌نديي ديپڵۆماسي بوو له‌ سه‌ر بناغه‌ي قازانجي هاوبه‌ش. ئه‌و ده‌رسي داين كه‌ سه‌رده‌مي په‌يوه‌ندي كۆڵۆنيالي، يا به‌زه‌يي مرۆڤايه‌تي، يا برايه‌تي ئيد‌ئۆلۆژيكي به‌سه‌ر چووه‌. كورد نابێ ته‌سليمي په‌يوه‌نديي كۆڵۆنيالي بێ و ته‌نيا بۆ پاراستني گياني ببێته‌ دارده‌ستي هێزي ده‌ره‌كي، يا بچێ وه‌ك قورباني‌يه‌ك بپاڕێته‌وه‌ يارمه‌تي بده‌ن، يا خۆي به‌ ئيد‌ئۆلۆژيه‌كه‌وه‌ ببه‌ستێته‌وه‌ و چاوي داخا و هه‌رچي پێي ديكته‌ كرا بيڵێته‌وه‌. به‌ڵكوو ده‌بێ به‌رژه‌وه‌ندي‌يه‌كاني خۆي هه‌ڵسه‌نگێنێ، له‌گه‌ڵ به‌رژه‌وه‌نديي لايه‌ني به‌رامبه‌ر تاووتوێي بكا و هاوكێشه‌يه‌ك بدۆزێته‌وه‌ كه‌ به‌رژه‌وه‌نديي هه‌ردووك لا بگرێته‌وه‌ و به‌م جۆره‌ مامه‌ڵه‌ و دۆستايه‌تي بكا.
سێهه‌م هزري گه‌وره‌ي قاسملوو له‌ په‌يوه‌ندي له‌گه‌ڵ مه‌سه‌له‌ي كورد‌دا ئه‌وه‌ بوو كه‌ هه‌رچه‌ند كوردستاني به‌ يه‌ك وڵات و نه‌ته‌وه‌ي كوردي به‌ يه‌ك نه‌ته‌وه‌ ده‌زاني، به‌ڵام جياوازي‌يه‌كاني هه‌ر چوارپارچه‌ي كوردستاني ده‌خوێنده‌وه‌ و پێي وابوو كه‌ هه‌ر پارچه‌يه‌ي ده‌بێ بۆخۆي به‌ پێي هه‌ل‌و‌مه‌رجي خۆي خه‌بات بكا و قۆناغه‌كاني خه‌باتي خۆي دياري بكا. پێي ره‌وا نه‌بوو هيچ پارچه‌يه‌كي كوردستان له‌ پارچه‌كه‌ي ديكه‌ي كوردستان‌دا ده‌ستێوه‌ردان بكا. نه‌زه‌ري ئه‌وه‌ بوو كه‌ پێويسته‌ دۆست و هاوكاري يه‌كتر بن، به‌ڵام نابێ ده‌ست له‌ كاروباري يه‌كتر وه‌رده‌ن. سه‌رده‌مانێك له‌ ژێر رێبه‌رايه‌تيي ئه‌ودا حيزبي دێموكراتي كوردستان، گه‌وره‌ترين حێزي كوردي و، جووڵانه‌وه‌ي رۆژهه‌ڵاتي كوردستان، گه‌وره‌ترين جووڵانه‌وه‌ي كوردي بوو. به‌ڵام تا ئێستاشي له‌گه‌ڵ بێ نه‌ حيزبي دێموكرات و نه‌ جووڵانه‌وه‌ي كوردي رۆژهه‌ڵات بچوكترين ده‌خاله‌تيان له‌ به‌شه‌كاني ديكه‌ي كوردستان‌دا نه‌كرد. ده‌ستێوه‌رداني هێزي پارچه‌يه‌ك له ‌پارچه‌كاني ديكه‌دا‌ له‌ نێوان پارچه‌كاني كوردستان‌دا كێشه‌ دروست ده‌كا و ئه‌مه‌ش مه‌ترسي‌يه‌كه‌ له‌ سه‌ر پرسي كورد به‌ گشتي.
چواره‌م وانه‌ي گه‌وره‌ي قاسملوو ئيمان به‌ چاره‌سه‌ري ئاشتيخوازانه‌، پێكه‌وه‌ژياني مرۆڤانه‌ي نێوان گه‌لاني ناوچه‌، وه‌لاناني رق و تۆڵه‌ و كاركردن بۆ سه‌قامگيريي دێموكراسي و ئاشتي بوو. كه‌ به‌داخه‌وه‌ گياني خۆشي له ‌سه‌ر دانا. له‌ روانگه‌ي دوكتور قاسملووه‌ چه‌ك ته‌نيا بۆ به‌رگري به‌كار ده‌هات، به‌ توندوتيژي هيچ كێشه‌يه‌ك چاره‌سه‌ر نه‌ده‌كرا و كۆتايي هه‌موو گرفتێك له‌ سه‌ر ميزي وتووێژ ئيمكاني هه‌بوو. كه‌ مخابن له‌ وڵاتاني ديكتاتۆري‌لێدراو و تا سه‌ر ئێسقان پربوغز و غه‌ره‌زي ناوچه‌ي رۆژهه‌ڵاتي نێوه‌ڕاست‌دا، ئه‌و رێڕه‌وه‌ جارێ زه‌مينه‌ي زۆر كه‌مه‌ و به‌داخه‌وه‌ زۆر جار لايه‌نگراني ده‌بنه‌ قوربانيي بيروبۆچوونه‌ ئينساني و دێموكراتيكه‌كاني خۆيان. به‌ڵام گومان له‌وه‌‌دا نييه‌ كه‌ داهاتوو هه‌ر هي ئه‌و بۆچوونه‌ ئينسانيانه‌يه‌.
له‌ رێبازي پڕسه‌روه‌ري قاسملوو‌دا و له‌ هزري ده‌وڵه‌مه‌ند و پڕزانستي ئه‌ودا ده‌كرێ ده‌يان وانه‌ي ديكه‌ش هه‌ڵێنجين، به‌ڵام لێره‌دا به‌و چوار وانه‌ گرنگه‌ به‌سنده‌ ده‌كه‌م و ده‌چمه‌ سه‌ر ئه‌و به‌شه‌ي كه‌ ئێمه‌ي دێموكرات ده‌بێ چۆن مامه‌ڵه‌ له‌گه‌ڵ هزر و كه‌له‌پوورێك بكه‌ين كه‌ قاسملوو بۆي هێناوينه‌ نێو گۆڕه‌پاني خه‌بات.
سه‌ره‌ڕاي ئه‌وه‌ي كه‌ ئه‌و چوار وانه‌يه‌ پێويسته‌ بكه‌ينه‌ رێبازمان، ده‌بێ له‌ ژياني سياسيي رۆژانه‌شمان‌دا وريا بين كه ‌له‌ كۆتايي‌دا به‌ جۆرێك هزر و بيره‌كاني قاسملوو به‌كار بێنين كه‌ كاريگه‌ريي ئه‌رێني له‌سه‌ر خه‌باتي ئه‌مڕۆ و داهاتوومان دابنێن. ئه‌وكاته‌يه‌ كه‌ نرخي ته‌واويشمان داوه‌ به‌و كه‌له‌پووره‌ سياسي‌يه‌ ده‌وڵه‌مه‌نده‌ي كه‌ بۆي به‌جێ‌هێشتووين. ئه‌وه‌ش چه‌ند ميتۆد و ميكانيزمێكي پێويسته‌.
يه‌كه‌م: پێويسته‌ هه‌موومان له‌وه‌ خۆ بپارێزين كه‌ موزايه‌ده‌ي سياسي به‌ هزر و بيروبۆچوونه‌كان و شێوه‌ي رێبه‌ري‌كردني شه‌هيد قاسملووه‌ بكه‌ين. قاسملوو به‌شي هه‌موو كوردي تێدايه‌ وه‌ك ئه‌ندامێكي به‌رهه‌مهێن له‌ نه‌ته‌وه‌يه‌ك. هه‌روه‌ها رێبه‌ري هه‌موو ئه‌ندامێكي دێموكرات بووه‌ وه‌كوو رێبه‌رێكي كاريزماتيك كه‌ تاكوو ئێستاش و دواي شه‌هيد‌بوونيشي له‌ سه‌ر هه‌موان باندۆري هه‌يه‌. كه‌ وابوو له‌ كوردستاني گه‌وره‌‌دا هيچ به‌شێك ناتوانێ قاسملوو ته‌نيا به‌ هي خۆي بزانێ و له‌ نێو بنه‌ماڵه‌ي دێموكراتيش‌دا هيچ كه‌س ناتوانێ ته‌نيا خۆي به‌ درێژه‌ده‌ري رێگاي قاسملوو پێناسه‌ بكا و ئه‌واني دي به‌ دژبه‌ري ئه‌و رێگايه‌. قاسملوو بۆخۆي درێژه‌ده‌ري رێگايه‌ك بووه‌ كه‌ پێش خۆي شه‌هيدي وه‌ك پێشه‌وا قازي محه‌‌ممه‌د و ده‌يان شه‌هيدي پايه‌به‌رزي ديكه‌ي پێشكه‌ش به‌ نه‌ته‌وه‌كه‌ي كردووه‌. هه‌موو ئه‌ندامان، پێشمه‌رگه‌كان و لايه‌نگراني رێبازي دێموكراتيش له‌ رابردوو، له‌ ئێستا و له‌ داهاتوش‌دا هه‌ر رێبواري ئه‌و رێگايه‌ن. بنه‌ماڵه‌ي گه‌وره‌ي دێموكرات ئه‌گه‌ر ببێته‌ سه‌د ماڵيش هه‌مووي هه‌ر رێبواري ئه‌و رێگايه‌ن، كه‌ دياره‌ شه‌هيدي رێبه‌ر قاسملوو باشترين رێ‌نيشانده‌ري ئه‌و بنه‌ماڵه‌يه‌ بووه‌ و وانه‌ي زۆر به‌ نرخي بۆ به‌جێ هێشتووين‌.
دووه‌م: مه‌سه‌له‌ي گرينگ ئه‌وه‌يه‌ كه‌ هيچمان هه‌وڵ نه‌ده‌ين بير و هزره‌كاني شه‌هيدي رێبه‌ر قاسملوو بكه‌ينه‌ جۆرێك مه‌زهه‌ب يا ئيدئۆلۆژي نه‌گۆڕ. كه‌ قابيلي پێداچوونه‌وه‌ و هه‌ڵسه‌نگاندن نه‌بن، يا نه‌كرێ ئاڵوگۆڕيان به‌ سه‌ردا بێ و له‌گه‌ڵ هه‌لومه‌رجي تازه‌ نه‌گونجێندرێن. هه‌رچۆنێك بێ هزر و سياسه‌ت و ته‌نانه‌ت زانستي هه‌موو بليمه‌ته‌كاني دنيا له‌ سه‌ر بناغه‌ي داتاكاني سه‌رده‌مي خۆيان داڕێژراون و ره‌نگه‌ (به‌شێك له‌)ئه‌و زانياري و داتايانه‌ له‌ كاتي ئێمه‌دا گۆڕابن. كه ‌وابوو هيچ تيوري‌يه‌كي سياسي و ته‌نانه‌ت هيچ تيوري‌يه‌كي زانستيش نه‌گۆڕ نييه‌ و ده‌كرێ به‌ پێي هه‌لومه‌رج گۆڕاني به‌سه‌ر‌دا بێ.
سێهه‌م: له‌ هه‌ڵسه‌نگاندني مێژوومان‌دا غه‌دره‌ پارێزراويي بۆ كه‌س دانێين، به‌ رێبه‌راني گه‌وره‌ي وه‌ك، پێشه‌وا قازي محه‌ممه‌د، دوكتور قاسملوو يا دوكتور شه‌ڕه‌فكه‌نديشه‌وه‌. رووداوه‌ ميژووييه‌كان ده‌بێ وه‌ك خۆيان هه‌ڵسه‌نگێنين، بێ له‌به‌رچاوگرتني ئه‌وه‌ي كێ رۆڵي سه‌ره‌كي تێدا هه‌بووه‌. ئه‌گه‌ر له‌و رووداوانه‌دا ته‌نانه‌ت رێبه‌رێكي كاريزماي وه‌ك شه‌هيد دوكتور قاسملووش نه‌خشي سه‌ره‌كي هه‌بووبێ، پێويسته‌ بابه‌تيانه‌ شرۆڤه‌يان بكه‌ين.
چواره‌م: نابێ به‌ دايم دووباره‌ي بكه‌ينه‌وه‌ كه‌ ئيدي قاسملوويه‌كي ديكه‌ ناتوانێ له‌ دايك ببێته‌وه‌. ئه‌گه‌ر ئێمه‌ ئاوا له‌و سيمبۆله‌ به‌نرخه‌ي گه‌له‌كه‌مان بكه‌ين، ئه‌وه‌ بێگومان به‌ باري نه‌رێني‌دا به‌كارمان هێناوه‌. نابێ رێبه‌راني ئێستامان به‌ سه‌روه‌راني پێشوومان بشكێنين. نابێ رێگاي بڕياردان له‌ رێبه‌راني ئێستامان به‌ربه‌ست بكه‌ين و به‌دايم له‌گه‌ڵ رابردوو به‌راورديان بكه‌ين. به‌هه‌رحاڵ ئێمه‌ له‌ سه‌رده‌مێكي جياوازدا ده‌ژين، مه‌جبورين به‌ پێي ئيمكانات و هه‌لومه‌رجي ئه‌مڕۆ سياسه‌ت داڕێژين و هه‌نگاو هه‌ڵێنين.
پێنجه‌م: خه‌يانه‌تێكي گه‌وره‌مان به‌ سيمبۆله‌كاني خه‌باتمان كردووه‌ ئه‌گه‌ر بمانهه‌وێ وه‌ك ئامرازێك له‌ دژي ئه‌و كه‌سانه‌ به‌كاريان بێنين كه‌ جياوازي بۆچوونيان له‌گه‌ڵ ئێمه‌ هه‌يه‌. يه‌كێك له‌ به‌هاكاني كه‌ دوكتور قاسملوو زۆري هه‌وڵ دا بيهێنێته‌ نێو سياسه‌تي كوردي‌يه‌وه‌، پلۆراليزمي سياسي و قبووڵكردني جياوازي‌يه‌كان بوو. ئێستا زۆر غه‌درێكي گه‌وره‌ ده‌بێ له‌ خودي ئه‌و، ئه‌گه‌ر هه‌وڵ بده‌ين جيابيران بكوتين به‌وه‌ي كه‌ گۆيا له‌ رێبازي قاسملوو لايان داوه‌، دژي بۆچونه‌كاني قاسملوون. سه‌نگه‌ر گرتن له‌ پشت سيمبۆله‌ نه‌ته‌وه‌يي و حيزبي‌يه‌كان له‌ بايه‌خي ئه‌وان كه‌م ده‌كاته‌وه‌. ئه‌وان ده‌بێ به‌ پانتايي نه‌ته‌وه‌ و حيزب و رێكخراوه‌ جۆراوجۆره‌كان و بيروبۆچوونه‌ جۆراوجۆره‌كان، كارتێكه‌ري‌يان بمێنێ. ئه‌وه‌يه‌ رێزلێناني راسته‌قينه‌ له‌وان، به‌رده‌وامي دان به‌ رێبازيان و كه‌ڵكي ئه‌رێني وه‌رگرتن لێيان.
با له‌ وته‌ و تيۆري‌يه‌كانيان بۆ كوتاني جيابيرانمان كه‌ڵك وه‌رنه‌گرين كه‌ له‌ هه‌لومه‌رجێكي جياوازدا له‌ لايه‌ن ئه‌و سيمبۆله‌ نه‌ته‌وه‌ييانه‌وه‌ داڕێژراون. با هه‌ر مه‌سه‌له‌يه‌ك له‌ زه‌مان و مه‌كاني خۆي‌دا هه‌ڵسه‌نگێنين و ئه‌گه‌ر ده‌ليلي قانيعكه‌رمان به‌ ده‌سته‌وه‌ نه‌بوو له‌ پشت رێبه‌راني وه‌ك شه‌هيد قاسملوو سه‌نگه‌ر نه‌گرين.
ئه‌وه‌ي بۆ ئێمه‌ گرينگه‌ ئه‌وه‌يه‌ كه‌ هزر و بيري قاسملووه‌كان به‌ پێي هه‌لومه‌رجي ئه‌مڕۆ هه‌ڵسه‌نگێنين و له‌ تاقيكردنه‌وه‌كانيان كه‌ڵك وه‌رگرين. له‌ هێڵه‌ گشتي‌يه‌كاني رێبازي ئه‌وان‌دا كه‌ له ‌سه‌ره‌وه‌ ئيشاره‌يان پێكرا بمێنينه‌وه‌ و به‌ پێي ويسته‌كانيان، به‌ڵام به‌ ميكانيزمي ئه‌مڕۆيي كه‌ له‌گه‌ڵ هه‌لومه‌رجي سه‌رده‌م‌دا يه‌ك بگرنه‌وه‌، به‌رنامه‌ي كارمان داڕێژين.
له‌ 27 ساله‌ي شه‌هيدكراني رێبه‌ري شه‌هيدمان قاسملوو‌دا سڵاو ده‌نێرم بۆ رووحي پاكي و، هيوادارم بتوانين ئامانجه‌كاني وه‌دي بێنين.



برچسب: ،
ادامه مطلب
امتیاز:
 
بازدید:
+ نوشته شده: ۴ ارديبهشت ۱۳۹۹ساعت: ۰۱:۰۸:۲۹ توسط: مينيس وبلاگي در زمينه علمي آموزشي و مطالب سرگرمي از قبيل بيوگرافي داستان و حكايت و مطالب خواندني جالب ميباشد. موضوع: